کتاب: نبی کریم صلی اللہ علیہ وسلم کے لیل ونہار - صفحہ 510
سیدنا ابن عمر رضی اللہ عنہا سے روایت ہے کہ ہم حساب لگاتے تھے کہ رسو ل اللہ صلی اللہ علیہ وسلم ایک مجلس میں سو دفعہ(یہ دعا)پڑھتے تھے۔
(( رَبِّ اغْفِرْلِيْ وَتُبْ عَلَيَّ إِنَّکَ أَنْتَ التَّوَّابُ الْغَفُوْرُ))
’’اے اللہ! میرے گناہ معاف کر اور میری توبہ قبول فرما بے شک تو توبہ قبول فرمانے اور گناہ معاف فرمانے والا ہے۔‘‘
(۱۱۵۰)عَنْ أَبِيْ ھُرَیْرَۃَ رضی اللّٰہ عنہ قَالَ:قَالَ رَسُوْلُ اللّٰہ صلی اللّٰہ علیہ وسلم :(( لِأَنْ أَقُوْلَ سُبْحَانَ اللّٰہِ وَالْحَمْدُ لِلّٰہِ وَلاَ إِلٰـہَ إِلاَّ اللّٰہُ وَاللّٰہُ أَکْبَرُ، أَحَبُّ إِلَيَّ مِمَّا طَلَعَتْ عَلَیْہِ الشَّمْسُ))۔صحیح[1]
سیدنا ابوہریرہ رضی اللہ عنہ سے روایت ہے کہ رسول اللہ صلی اللہ علیہ وسلم نے فرمایا: میں اگر ’’سُبْحَانَ اللّٰہِ وَالْحَمْدُ لِلّٰہِ وَلاَ إِلٰہَ إِلاَّ اللّٰہُ وَاللّٰہُ أَکْبَرُ‘‘ کہوں تو مجھے ہر اس چیز سے زیادہ پسند ہے جس پر سورج طلوع ہوتا ہے۔
(۱۱۵۱)عَنْ جُوَیْرِیَۃَ بِنْتِ الْحَارِثِ بْنِ أَبِيْ ضِرَارٍ:أَنَّ النَّبِيَّ صلی اللّٰہ علیہ وسلم خَرَجَ ذَاتَ غَدَاۃٍ مِنْ عِنْدِھَا، وَکَانَ اسْمُھَا بَرَّۃَ، فَحَوَّلَہٗ رَسُوْلُ اللّٰہ صلی اللّٰہ علیہ وسلم ، فَسَمَّاھَا جُوَیْرِیَۃَ، وَکَرِہَ أَنْ یُّقَالَ:خَرَجَ مِنْ عِنْدِ بَرَّۃَ۔فَخَرَجَ وَھِيَ فِی الْمَسْجِدِ، فَرَجَعَ بَعْدَ مَا تَعَالَی النَّھَارُ، فَقَالَ:(( مَا زِلْتِ فِيْ مَجْلِسِکِ ھٰذَا مُنْذُ خَرَجْتُ بَعْدُ؟))قَالَتْ:نَعَمْ، فَقَالَ:(( لَقَدْ قُلْتُ بَعْدَکِ أَرْبَعَ کَلِمَاتٍ، ثلَاَثَ مَرَّاتٍ، لَوْ وُزِنَ بِکَلِمَاتِکِ، لَوَزَنَتْھُنَّ:سُبْحَانَ اللّٰہِ وَبِحَمْدِہٖ، عَدَدَ خَلْقِہٖ، وَرِضَا نَفْسِہٖ، وَزِنَۃَ عَرْشِہٖ، وَمِدَادَ کَلِمَاتِہٖ))۔صحیح[2]
سیدہ جویریہ بنت الحارث بن ابی ضرار رضی اللہ عنہا سے روایت ہے کہ نبی کریم صلی اللہ علیہ وسلم ایک دن صبح کے وقت ان کے پاس باہر سے آئے۔جویریہ کا اصل نام برہ تھا، لیکن آپ صلی اللہ علیہ وسلم نے اسے بدلا کر جویریہ کردیا۔آپ اس بات کو ناپسند کرتے تھے کہ یہ کہا جائے: آپ برہ(نیکی)سے باہر آئے ہیں۔جب آپ صلی اللہ علیہ وسلم باہر سے تشریف لائے تو وہ مسجد میں تھیں۔پھر دن کا(ایک حصہ)بلند ہونے کے بعد واپس آئے تو فرمایا: جب سے میں باہر گیا ہوں تو یہیں بیٹھی رہی ہے؟انھوں نے کہا: جی ہاں، تو آپ نے فرمایا: میں نے تیرے بعد چار کلمے تین دفعہ کہے ہیں۔
(( سُبْحَانَ اللّٰہِ وَبِحَمْدِہٖ عَدَدَ خَلْقِہٖ وَرِضَا نَفْسِہٖ وَزِنَۃَ عَرْشِہٖ وَمِدَادَ کَلِمَاتِہٖ))
[1] صحیح مسلم:۲۶۹۵ من حدیث أبي معاویۃ الضریر بہ۔[السنۃ:۱۲۷۷]
[2] صحیح مسلم:۲۱۴۰ من حدیث سفیان بن عیینۃ بہ مختصرًا۔[السنۃ:۱۲۶۷]