کتاب: نبی کریم صلی اللہ علیہ وسلم کے لیل ونہار - صفحہ 300
سیدنا ابوسعید الخدری رضی اللہ عنہ سے روایت ہے کہ ہم نے ظہر وعصر(کی نمازوں)میں رسول اللہ صلی اللہ علیہ وسلم کے قیام کا اندازہ لگایا۔ہم نے ظہر کی پہلی دو رکعتوں میں آپ صلی اللہ علیہ وسلم کے قیام کا اندازہ تیس آیات کے قریب لگایا۔الم تنزیل السجدۃ کے برابر، اور دوسری دو رکعتوں میں اس کے نصف کے برابر آپ کا قیام(ہوتا)تھا۔ہم نے عصر کی پہلی دو رکعتوں میں ظہر کی پچھلی دو رکعتوں جتنے قیام کا اندازہ لگایا اور آخری دو رکعتوں میں اس کا آدھا تھا۔
(۵۲۷)عَنْ جَابِرِ بْنِ سَمُرَۃَ رضی اللّٰہ عنہ:أَنَّ رَسُوْلَ اللّٰہِ صلی اللّٰہ علیہ وسلم کَانَ یَقْرَأُ فِی الظُّھْرِ وَالْعَصْرِ ]بِالسَّمَائِ وَالطَّارِقِ، وَالسَّمَائِ ذَاتِ الْبُرُوْجِ[ وَنَحْوِھَا مِنَ السُّوَرِ۔[1]
سیدنا جابر بن سمرہ رضی اللہ عنہ سے روایت ہے کہ رسول اللہ صلی اللہ علیہ وسلم ظہر وعصر کی نمازوں میں سورۂ طارق، سورۂ بروج اور ان جیسی سورتیں تلاوت فرماتے تھے۔
(۵۲۸)عَنْ جُبَیْرِ بْنِ مُطْعِمٍ رضی اللّٰہ عنہ قَالَ :سَمِعْتُ رَسُوْلَ اللّٰہِ صلی اللّٰہ علیہ وسلم قَرَأَ فِی الْمَغْرِبِ [ِالطُّوْرِ]۔صحیح[2]
سیدنا جبیر بن مطعم رضی اللہ عنہ نے فرمایا کہ میں نے رسول اللہ صلی اللہ علیہ وسلم کو مغرب(کی نماز)میں سورۂ طور پڑھتے ہوئے سنا۔
(۵۲۹)عَنْ أُمِّ الْفَضْلِ بِنْتِ الْحَارِثِ رضي اللّٰه عنہا قَالَتْ:سَمِعْتُ النَّبِيَّ یَقْرَأُ فِی الْمَغْرِبِ(بِالْمُرْسَلاَتِ عَرْفًا۔صحیح[3]
سیدہ ام الفضل بنت الحارث رضی اللہ عنہا نے فرمایا کہ میں نے نبی کریم صلی اللہ علیہ وسلم کو مغرب(کی نماز)میں سورۂ مرسلات پڑھتے ہوئے سنا۔
(۵۳۰)عَنْ بُرَیْدَۃَ رضی اللّٰہ عنہ قَالَ :کَانَ رَسُوْلُ اللّٰہ صلی اللّٰہ علیہ وسلم یَقْرَأُ فِی الْعِشَائِ(بِالشَّمْسِ وَضُحٰھَا)وَنَحْوِھَا مِنَ السُّوَرِ۔[4]
[1] حسن، أبوداود: ۸۰۵ وحسنہ الترمذي وصححہ ابن حبان: ۴۶۵۔
[2] متفق علیہ، مالک فی الموطأ(۱/ ۷۸ وروایۃ أبي مصعب: ۲۱۶)البخاري: ۷۶۵ ومسلم: ۴۶۳ من حدیث مالک بہ۔
[3] صحیح البخاري، المغازي باب مرض النبي ا ووفاتہ: ۴۴۲۹، مسلم: ۴۶۲ من حدیث ابن شھاب الزھري بہ۔
[4] حسن، الترمذي: ۳۰۹، النسائي: ۹۹۸ من حدیث حسین بن واقد بہ وسندہ حسن۔