نبی رحمت ص کی راتیں

کیاکہ شاید شب قدر کی سعادت حاصل ہو جائے۔وہ تو جبرائیل علیہ السلام نے آکر خبر دی کہ مطلوب و مقصود سے آپ ہنوز دور ہیں۔آپ کا اپنے اصحاب رضی اللہ عنہم کے ساتھ دوسرے عشرے کا اعتکاف کرنا ایک بار پھر واضح کر گیا کہ جن کے اشاروں پر چاند دو ٹکڑے ہوا،جن کی انگلیوں سے چشمے رواں ہوگئے،جن کی آمد پر جنت کے دروازے کھلیں گے،ان کے رب نے انہیں شب قدر کی خبر نہیں دی۔پھر حضور نبی کریم صلی اللہ علیہ وسلم نے تیسرے عشرے کا اعتکاف فرمایا اور شب قدر کی ایک نشانی کہ آپ مٹی کے گیلے فرش پر سجدہ کر رہے ہوں گے،اس سے اپنے اصحاب کو آگاہ فرمایا۔ اللہ رب العزت چاہتے تو اس رمضان المبارک کی اوّلین تاریخوں میں وحی کے ذریعے ایک لمحے سے بھی پہلے اپنے محبوب علیہ السلام کو شب قدر کے بارے میں باخبر فرما سکتے تھے۔لیکن باری تعالیٰ کا اپنے پیارے کو آگاہ فرما کر بھلا دینا اور پھر دوبارہ آگاہ نہ فرمانا،اس میں بھی ہمارے لیے پیام توحید ہے۔ ذرا سوچئے! کیا یہ ممکن تھا کہ رسول رحمت صلی اللہ علیہ وسلم شب قدر کے بارے میں تعین سے سب کچھ جاننے کے باوجود اپنے ساتھیوں کو مسلسل تیس (۳۰) دن اعتکاف کی مشقت اٹھانے دیتے؟ اس رؤوف و رحیم پیغمبر[1]کے متعلق یہ سوچنا بھی سوئے ادب ہوگا۔ پھر جب آخری عشرہ آیا تو آپ صلی اللہ علیہ وسلم نے صاف الفاظ میں فرما دیا کہ مجھے بھلا

[1] نبی مکرم رحمت عالم صلی اللہ علیہ وسلم کے ان اوصاف کے بارے میں قرآن کریم کی آیت مبارکہ ملاحظہ فرمایے: ﴿لَقَدْ جَآئَ کُمْ رَسُوْلٌ مِّنْ اَنْفُسِکُمْ عَزِیْزٌ عَلَیْہِ مَا عَنِتُّمْ حَرِیْصٌ عَلَیْکُمْ بِالْمُؤْمِنِیْنَ رَئُ وْفٌ رَّحِیْمٌo﴾ (التوبۃ: ۱۲۸) ’’لوگو! تمہارے پاس تم ہی میں سے رسول آئے ہیں۔ان پر تمہاری تکلیف شاق گزرتی ہے،تمہاری بھلائی کے حریص ہیں اور ایمان داروں کے حال پر نہایت درجہ شفیق اور مہربان ہیں۔‘‘ ترجمہ از شیخ الاسلام حضرت مولانا ثناء اللہ امر تسری رحمہ اللہ۔