نعت گوئی اور اس کے آداب

متی علیہ السلام سے افضل ہے۔‘‘[1] اسلامی نظمیں عصر حاضر میں اسلامی نظموں یا ’’أناشید إسلامیۃ‘‘ کے سننے سنانے کا رواج چل پڑا ہے، اس بارے میں محقق علماء کی رائے یہ ہے کہ نظمیں اشعار ہی کی طرح ہیں، لہٰذا اگر نظموں میں مضمون صحیح و سلیم بیان ہوا ہو تو نظم صحیح ہے ورنہ غلط۔ بنیادی طور پر نظموں میں بذات خود خرابی نہ ہو تو اسے ممنوع نہیں قرار دیا جا سکتا، یعنی ان کا سننا سنانا مباح ہے لیکن ان میں چند شرطیں ملحوظ رکھی جائیں: 1 یہ نظمیں غلو وافراط سے خالی ہوں۔ 2 سننے سنانے والے اسے اپنی عادت مستمرہ نہ بنائیں کہ قرآن اور وعظ و نصیحت سے زیادہ اسے ہی سنتے رہیں۔ 3 گانوں کے طرز پر نہ ہوں اور نہ ہی فاسق و فاجر لوگوں کی آوازوں میں یا ان کے انداز میں ہوں۔ 4 آلات سرود و موسیقی کا استعمال اس میں نہ ہو۔ اور نہ ہی ساؤنڈ سسٹم کو اس طرز پر استعمال کیا گیا ہو کہ بعینہ دف طبلہ کی طرح آوازیں اس میں سے نکلیں یا وہ آلات موسیقی کے مشابہ ہو جائے۔ 5 مردوں کے لیے یہ کلام عورتوں کی آواز میں نہ ہو۔ اسی طرح عورتوں کے لیے بھی فتنہ انگیز مردانہ آواز و انداز میں کوئی کلام نہ ہو۔ 6 یہ نظمیں آواز کی اس فتنہ انگیزی سے بھی خالی ہوں جس کی وجہ سے توجہ ساری آواز کی طرف جائے اور مضمون و معنی کی طرف دھیان نہ جا سکے۔[2]

[1] صحیح مسلم، حدیث: 1373۔ [2] تفصیل کے لیے دیکھیے فتاویٰ إسلامیۃ : 533/4، وتحریم آلات الطرب للألباني، ص: 181، ومجموع الفتاوٰی: 565/11، و مجموع فتاوی الشیخ ابن باز: 437/3۔