مختصر مسائل و احکام نمازِ جنازہ

یہ تو جانتا ہی نہیں کہ کس کو موت کہاں آئے گی جیسا کہ ارشادِ الٰہی ہے: ﴿وَمَا تَدْرِیْ نَفْسٌ بِاَیِّ اَرْضٍ تَمُوْتُ﴾ ’’اور کوئی نہیں جانتا کہ اسے موت کہاں آئے گی۔‘‘ اور اگر ایسا کرنے سے کسی کا مقصود موت کیلئے تیاری کرنا ہوتو یہ عملِ صالح سے ہوتی ہے نہ کہ قبر کھود لینے سے۔[1] اگر یہ کام مستحب ہوتا تو نبی صلی اللہ علیہ وسلم ضرور کرتے،آپ صلی اللہ علیہ وسلم کے خلفاء راشدین اور دیگر صحابۂ کرام رضی اللہ عنہم کرتے اور جب ان سب نے نہیں کیا تو اس میں خیر واستحباب کہاں سے آئے گا؟ اب ان لوگوں کے عمل کی معلوم نہیں کیا توجیہہ ہے جو اپنے ہاتھوں ہی اپنی قبر کھود لیتے اور اسے بڑا معرکہ باور کرواتے پھرتے ہیں۔ مُحرم کا کفن: احرام کی حالت میں وفات پانے والے کو صرف احرام کی دو چادروں میں ہی کفن دیا جائے گا جیسا کہ بخاری و مسلم کی حدیث ابھی قریب ہی گزری ہے۔ شہید کا کفن: شہید جن خون آلود کپڑوں میں شہادت پائے اُسے انہی کپڑوں سمیت دفن کیا جانا چاہیئے کیونکہ نسائی و مسند احمد میں ہے کہ نبی صلی اللہ علیہ وسلم نے شہدا ئِ اُحد رضی اللہ عنہم کے بارے میں فرمایا تھا: ((زَمِّلُوْھُمْ فِیْ ثِیَابِھِمْ))[2] ’’انہیں ان کے کپڑوں میں ہی لپیٹ دو۔‘‘ جبکہ ابوداؤ،ابن ماجہ اور مسند احمد میں ہے:

[1] بحوالہ احکام الجنائز للالبانی،ص ۱۶۰۔۱۶۱ [2] بحوالہ احکام الجنائزللالبانی،ص:۶۰،نیل الاوطار ۲؍۴؍۴۰