مختصر مسائل و احکام طہارت و نماز

عَلَیْھِمْ غَیْرِ الْمَغْضُوْبِ عَلَیْھِمْ وَلَاالضَّآلِّیْنَ٭ شروع کرتا ہوں اللہ کے نام سے جو بڑا مہربان نہایت رحم کرنے والا ہے۔ہر قسم کی تعریفیں اللہ کیلئے ہیں جو تمام جہانوں کا پروردگارہے،بڑا مہربان،نہایت رحم کرنے والا ہے۔بدلے(قیامت)کے دن کا مالک ہے۔ہم صرف تیری ہی عبادت کرتے ہیں اور صرف تجھ ہی سے مدد چاہتے ہیں۔ہمیں سیدھی راہ دکھا،ان لوگوں کی راہ جن پر تو نے انعام کیا۔ان کی نہیں جن پر غضب کیا گیا،اور نہ گمراہوں کی۔ ٭جب سورۃ الفاتحہ مکمل کرلے تو پھر کہے: آمین،جسکا معنی ہے:اے اللہ! میری دعائیں قبول فرما۔ قِراء ت: ۸۔اسکے بعد اسے قرآنِ کریم میں سے جو آسانی سے آتا ہو،(کوئی سورت یا کسی سورت کا کوئی حصّہ آتا ہو) اسے پڑھے۔ اور نمازِ فجر میں قراء ت کچھ لمبی کرے۔ رکوع اور اسکی تسبیح: ۹۔سورۃ الفاتحہ اور دوسری قراء ت سے فارغ ہو کر رکوع کریں یعنی اللہ تعالیٰ کی تعظیم کے لئے اپنی کمر جھکائیں اور رکوع کرتے وقت اَللّٰہُ اَکْبَرْکہیں اور اپنے ہاتھوںکو دونوں کندھوں کے برابر تک اٹھائیں(رفع الیدین کریں) ۔اورسنّت یہ ہے کہ کمر کو بالکل سیدھا کیاجائے اور سر بھی اس کے برابر رہے۔(اٹھا ہوا یا جھکا ہوا نہ ہو)اور اپنے دونوں ہاتھوںکی انگلیوں کو کھلا رکھ کر ہتھیلیوںکو اپنے گھٹنوں پر رکھیں۔ ۱۰۔ رکوع میںتین مرتبہ یہ تسبیح پڑھیں: {سُبْحَانَ رَبِّيَ الْعَظِیْمِ}(ابوداؤد) پاک ہے میرا رب عظمت والا۔ اور اگر ان کلمات کا اضافہ بھی کرلیں تو بہتر ہے: {سُبْحَانَکَ اللّٰھُمَّ رَبَّنَا وَبِحَمْدِ کَ اَللّٰھُمَّ اغْفِرْلِي}(بخاری ومسلم) پاک ہے تو اے اﷲ! ، ہمارے پرور دگار! اپنی تعریفوں کے ساتھ ، اے اللہ! مجھے بخش دے۔