مباحث فی علوم القرآن

﴿اِنَّ اللّٰہَ یَاْمُرُکُمْ اَنْ تُؤَدُّوا الْاَمٰنٰتِ اِلٰٓی اَہْلِہَا﴾ (النساء: ۵۸) فتح مکہ کے موقع پر مکہ میں کعبۃ اللہ کے اندر نازل ہوئی تھی۔ اسی طرح حجۃ الوداع کے موقع پر یہ آیت نازل ہوئی: [1] ﴿اَلْیَوْمَ اَکْمَلْتُ لَکُمْ دِیْنَکُمْ وَ اَتْمَمْتُ عَلَیْکُمْ نِعْمَتِیْ وَ رَضِیْتُ لَکُمُ الْاِسْلَامَ دِیْنًا﴾ (المائدہ: ۳) یہ پہلی رائے اپنی عمومیت اور محدود ہونے کی وجہ سے بعد والی آراء سے بہتر ہے۔ ۲۔محلِ نزول کا اعتبار: مکی آیات وہ ہیں جو مکہ یا اس کے آس پاس مثلاً منیٰ، عرفات اور حدیبیہ وغیرہ میں نازل ہوئیں ، جب کہ مدنی آیات وہ ہیں جو مدینہ یا اس کے قریبی علاقوں مثلاً احد، قباء اور سلع وغیرہ میں نازل ہوئیں ۔ اس رائے کے لحاظ سے کچھ آیات وسور مکی اور مدنی ترتیب میں آہی نہیں سکتیں ، مثلاً جو آیات سفر، تبوک یا بیت المقدس میں نازل ہوئیں وہ اس تقسیم میں آتی ہی نہیں ۔ اس طرح انہیں مکی یا مدنی نہیں کہا جائے گا۔ اسی طرح جو آیات ہجرت کے بعد مکہ میں نازل ہوئیں انہیں بھی مکی کہا جائے گا۔[2] ۳۔ مخاطب کا اعتبار: مکی آیات وہ ہیں جن میں خطاب اہل مکہ کو ہے، جب کہ مدنی آیات میں اہل مدینہ کو مخاطب کیا گیا ہے۔ اس رائے کے مطابق جن آیات میں یا ایھا الناس کہا گیا ہے وہ مکی ہیں اور جن میں یا ایھا الذین امنوا کہا گیا ہے وہ مدنی ہیں ۔

[1] حالاں کہ سورۃ النساء اور المائدہ دونوں مدنی سورتیں ہیں ۔ ( مترجم) [2] سورۃ الفتح سفر میں نازل ہوئی، سورۃ التوبہ کی آیت: ﴿لَوْ کَانَ عَرَضًا قَرِیْبًا وَّ سَفَرًا قَاصِدًا لَّاتَّبَعُوْکَ وَ لٰکِنْ بَعُدَتْ عَلَیْہِمُ الشُّقَّۃُ وَ سَیَحْلِفُوْنَ بِاللّٰہِ لَوِ اسْتَطَعْنَا لَخَرَجْنَا مَعَکُمْ یُہْلِکُوْنَ اَنْفُسَہُمْ وَ اللّٰہُ یَعْلَمُ اِنَّہُمْ لَکٰذِبُوْنَ.﴾ (التوبہ: ۴۲) تبوک میں نازل ہوئی، اسی طرح سورۃ الزخرف کی آیت ﴿وَاسْاَلْ مَنْ اَرْسَلْنَا مِنْ قَبْلِکَ مِنْ رُسُلِنَا اَجَعَلْنَا مِنْ دُوْنِ الرَّحْمٰنِ آلِہَۃً یُعْبَدُوْنَ.﴾ (الزخرف: ۴۵) اسراء کی رات بیت المقدس میں نازل ہوئی تھی۔ (ع۔م)