مباحث فی علوم القرآن

پہچان میں صحابہ اور تابعین کی یادداشت پر بھروسہ کرنا پڑتا ہے، اس لیے کہ رسول اللہ صلی اللہ علیہ وسلم سے اس بارے کچھ بھی مروی نہیں ، اس کی وجہ یہ ہے کہ آپ صلی اللہ علیہ وسلم کو اس بارے حکم نہیں ملا تھا اور اللہ تعالیٰ نے بھی اس علم کو امت پر فرض نہیں کیا، اگرچہ اس بارے تھوڑا بہت علم علماء پر واجب ہے۔ جب کہ ناسخ اور منسوخ کی تاریخ تو رسول اللہ صلی اللہ علیہ وسلم کی کسی واضح نص کے بغیر ہی معلوم ہوجاتی ہے۔ ۲۔المنھج القیاسی الاجتہادی: اس کا تعلق مکی اور مدنی آیات کی خصوصیات سے ہے، کسی مکی سورت میں اگر کوئی ایسی آیت آجائے جس میں مدنی آیات کی خصوصایت پائی جاتی ہوں یا اس میں مدنی واقعات کا تذکرہ ہو تو اسے مدنی کہہ دیا جاتاہے، اسی طرح اگر کسی آیت یا مدنی سورت میں مکی خصوصیات والی آیت ہو یا اس میں مکی حالات وواقعات ہوں تو اسے مکی آیت کہتے ہیں ، یہ صرف قیاسی اجتہاد ہے۔ اسی لیے اہل علم مثال دیتے ہیں کہ جب کوئی سورت انبیاء کے واقعات اور سابقہ امتوں کے حالات پر مشتمل ہو تو وہ سورت مکی ہوگی اور ہر وہ سورت جو حدود اور فرائض کی حامل ہو، وہ مدنی ہے۔ امام جعبری کہتے ہیں : ’’مکی اور مدنی کی پہچان کے دو طریقے ہیں : سماعی اور قیاسی۔‘‘ اس بارے کوئی شک نہیں کے سماعی کا دارومدار نقل پر ہوتا اور قیاسی کا عقل پر، جب کہ نقل و عقل ہی علمی تحقیق اور درست پہچان کے دو طریقے ہیں۔ مکی اور مدنی میں فرق اصطلاحی طورپر مکی اور مدنی کے درمیان فرق پر علماء کی تین آراء ہیں ، ان میں سے ہر ایک رائے کی بنیاد ایک خاص اعتبار سے ہے۔ ۱۔زمانہ نزول کا اعتبار: ہجرت سے پہلے کا نزول مکی ہے، خواہ وہ مکہ سے باہر ہی نازل ہوا ہو، جب کہ ہجرت کے بعد کا نزول مدنی ہے، خواہ وہ مدینہ سے باہر ہی ہو۔ اس طرح جو قرآن ہجرت کے بعد مکہ یا عرفات میں بھی نازل ہوا وہ مدنی ہی ہے، جیسے آیت: