مباحث فی علوم القرآن

اسی طرح سورۃ الحج مکی سورت ہے، لیکن اس کی بھی درج ذیل آیت مدنی ہے: ﴿ھٰذَانِ خَصْمٰنِ اخْتَصَمُوْا فِیْ رَبِّہِمْ فَالَّذِیْنَ کَفَرُوْا قُطِّعَتْ لَہُمْ ثِیَابٌ مِّنْ نَّارٍ یُصَبُّ مِنْ فَوْقِ رُئُ وْسِہِمُ الْحَمِیْمُ.﴾ (الحج: ۱۹) ۶۔ مکہ میں نازل ہوئیں لیکن حکم میں مدنی ہیں : اس کی مثال آیت: ﴿یٰٓاََیُّہَا النَّاسُ اِِنَّا خَلَقْنَاکُمْ مِّنْ ذَکَرٍ وَّاُنثَی وَجَعَلْنَاکُمْ شُعُوبًا وَقَبَائِلَ لِتَعَارَفُوْا اِِنَّ اَکْرَمَکُمْ عِنْدَ اللّٰہِ اَتْقَاکُمْ اِِنَّ اللّٰہَ عَلِیْمٌ خَبِیْرٌ.﴾ (الحجرات: ۱۳) یہ فتح مکہ کے دن مکہ میں نازل ہوئی، لیکن یہ مدنی کے حکم میں ہے، کیوں کہ یہ ہجرت کے بعد نازل ہوئی ہے اور اس میں خطاب عام ہے۔ ایسی آیات کو علماء مکی کہتے ہیں نہ ہی مدنی ، بلکہ کہتے ہیں یہ آیت مکہ میں نازل ہوئی لیکن اس کا حکم مدنی ہے۔ ۷۔ وہ آیات جو مدینہ میں نازل ہوئیں لیکن حکم مکی ہے: اس کی مثال سورۃ الممتحنہ ہے جو مدینہ میں نازل ہوئی، یہ جگہ کے لحاظ سے مدنی ہے، لیکن اس میں مکہ کے مشرکین کو خطاب کیا گیا ہے، اسی طرح سورہ توبہ کا ابتدائی حصہ مدینہ میں نازل ہوا جب کہ اس میں بھی مشرکین مکہ کو ہی مخاطب کیا گیا ہے۔ ۸۔ مدنی سورتوں کی وہ آیات جو مکی سورتوں کے مشابہ ہیں : اہل علم اس سے مراد وہ آیات لیتے ہیں جو مدنی سورتوں میں ہیں ، لیکن ان کا اسلوب اور انداز مکی سورتوں جیسا ہے، مثلاً سورت انفال کی آیت ﴿وَ اِذْ قَالُوا اللّٰہُمَّ اِنْ کَانَ ہٰذَا ہُوَ الْحَقَّ مِنْ عِنْدِکَ فَاَمْطِرْ عَلَیْنَا حِجَارَۃً مِّنَ السَّمَآئِ اَوِائْتِنَا بِعَذَابٍ اَلِیْمٍ.﴾ (الانفال: ۳۲) کیوں کہ مشرکین کا عذاب کو جلد طلب کرنا مکہ میں ہی تھا۔ ۹۔ مکی سورتوں کی وہ آیات جو نزول میں آیات مدینہ کے مشابہ ہیں : یہ قسم پہلی قسم کے برعکس ہے، اس کی مثال سورۃ النجم کی درج ذیل آیت ہے: