مباحث فی علوم القرآن

منزل کے لحاظ سے مرتب کیا ہے، انہوں نے یہ بھی کہا کہ فلاں سورت فلاں سورت کے بعد نازل ہوئی، اس طرح انتہائی محنت سے یہ کام مکمل ہوا۔ ان علماء نے دن اور رات میں نازل ہونے والی آیات کو علیحدہ کیا، موسم گرما اور سرما میں اترنے والی آیات کی تفصیل بیان کی اسی طرح حضر اور سفر میں نازل ہونے والی آیات میں امتیازی لکیر لگائی۔ اس مبحث کی خاص اقسام جن پر علماء زیادہ توجہ دیتے ہیں ، درج ذیل ہیں : ۱۔ مکہ میں نازل ہونے والی آیات۔ ۲۔ مدینہ میں نازل ہونے والی آیات۔ ۳۔ جن آیات کے مکی یا مدنی ہونے میں اختلاف ہے۔ ۴۔ مدنی سورتوں کی مکی آیات۔ ۵۔ مکی سورتوں کی مدنی آیات۔ ۶۔ وہ آیات جو مکہ میں نازل ہوئیں لیکن ان کا حکم مدنی ہے۔ ۷۔ وہ آیات جو مدینہ میں نازل ہوئیں لیکن ان کا حکم مکی ہے۔ ۸۔ مدنی آیات جو نزول میں مکی آیات کے مشابہ ہیں ۔ ۹۔ مکی آیات جو نزول میں مدنی آیات کے مشابہ ہیں ۔ ۱۰۔ وہ آیات جو مکہ سے مدینہ لے جائی گئیں ۔ ۱۱۔ وہ آیات جو مدینہ سے مکہ لے جائی گئیں ۔ ۱۲۔ رات اور دن کے وقت نازل ہونے والی آیات۔ ۱۳۔ گرمی اور سردی میں نازل ہونے والی آیات۔ ۱۴۔ حضر اور سفر میں نازل ہونے والی آیات۔ یہ اقسام بنیادی ہیں ، ان کا اصل مرکز تومکی یا مدنی ہونا ہے، اسی لیے اس علم کو مکی ومدنی آیات کے علم کے نام سے موسوم کیا گیاہے۔