مباحث فی علوم القرآن

مرتبہ ہے۔ جس کی (آسمانوں میں ) اطاعت کی جاتی ہے۔ اور تمہارا ساتھی دیوانہ نہیں ہے۔ اس نے اس (فرشتے) کو آسمان کے کھلے کنارے پر دیکھا بھی ہے اور یہ غیب کی باتوں کو بتلانے میں بخیل بھی نہیں ۔‘‘ نیز قرآن کریم کے بارے میں فرمایا: ﴿اِِنَّہٗ لَقُرْاٰنٌ کَرِیمٌ. فِیْ کِتَابٍ مَکْنُوْنٍ. لَا یَمَسُّہُ اِِلَّا الْمُطَہَّرُوْنَ﴾ (الواقعہ: ۷۹۔۷۷) ’’بے شک یہ قرآن کریم ہے، چھپی ہوئی کتاب میں ہے، جسے صرف پاکیزہ مخلوق ہی چھوتی ہے۔‘‘ سابقہ آسمانی کتابوں میں کسی کو بھی یہ امتیاز نہیں ملا، کیوں کہ وہ مخصوص وقت کے لیے تھیں ، اللہ تعالیٰ نے سچ ارشاد فرمایا: ﴿اِنَّا نَحْنُ نَزَّلْنَا الذِّکْرَ وَ اِنَّا لَہٗ لَحٰفِظُوْنَ﴾ (الحجر: ۹) ’’بے شک ہم نے ہی اس نصیحت (والی کتاب) کو اتارا اور ہم ہی اس کے محافظ ہیں ۔‘‘ قرآن کا پیغام انسانوں تک ہی نہیں بلکہ یہ جنات کے لیے بھی ہے، اللہ تعالیٰ کا فرمان ہے: ﴿وَاِِذْ صَرَفْنَا اِِلَیْکَ نَفَرًا مِّنَ الْجِنِّ یَسْتَمِعُوْنَ الْقُرْاٰنَ فَلَمَّا حَضَرُوْہُ قَالُوْا اَنْصِتُوا فَلَمَّا قُضِیَ وَلَّوْا اِِلٰی قَوْمِہِمْ مُنْذِرِیْنَ. قَالُوْا یَاقَوْمَنَا اِِنَّا سَمِعْنَا کِتَابًا اُنْزِلَ مِنْ بَعْدِ مُوْسٰی مُصَدِّقًا لِمَا بَیْنَ یَدَیْہِ یَہْدِیْ اِِلَی الْحَقِّ وَاِِلٰی طَرِیقٍ مُسْتَقِیْمٍ. یَاقَوْمَنَا اَجِیبُوْا دَاعِی اللّٰہِ وَاٰمِنُوْا بِہٖ﴾ (الاحقاف: ۳۱۔۲۹) ’’اور یاد کرو! جب ہم نے جنوں کی ایک جماعت کو آپ کی طرف متوجہ کیا کہ وہ قرآن سنیں ، پس جب (نبی کے) پاس پہنچ گئے تو (ایک دوسرے سے) کہنے لگے: خاموش ہو جاؤ، پھر جب پڑھ کر ختم ہو گیا تو اپنی قوم کو خبردار کرنے کے لیے لوٹ گئے۔ کہنے لگے: اے ہماری قوم! ہم نے یقینا وہ کتاب سنی ہے جو موسیٰ علیہ السلام کے بعد نازل کی گئی، جو اپنے سے پہلی کتابوں کی تصدیق کرنے والی ہے، جو سچے دین اور راہ