مباحث فی علوم القرآن

جگہ خبر لانے کا فائدہ انہیں اطاعت کے لازم ہونے کی اطلاع دینا ہے، گویا اس نے جہاد اور ایمان کے موجود ہونے کی خبر دی ہے۔ ٭ دو عاملوں کے دو معمول ہوں تو ان دونوں پر عطف کرنے کے بارے میں اختلاف ہے۔ جواز کے قائل استدلال کے طور پر یہ آیت پیش کرتے ہیں: ﴿اِِنَّ فِی السَّمٰوٰتِ وَالْاَرْضِ لَاٰیٰتٍ لِلْمُؤْمِنِیْنَ. وَفِی خَلْقِکُمْ وَمَا یَبُثُّ مِنْ دَابَّۃٍ اٰیٰتٌ لِّقَوْمٍ یُّوْقِنُوْنَ. وَاخْتِلَافِ الَّیْلِ وَالنَّہَارِ وَمَا اَنزَلَ اللّٰہُ مِنَ السَّمَآئِ مِنْ رِّزْقٍ فَاَحْیَا بِہِ الْاَرْضَ بَعْدَ مَوْتِہَا وَتَصْرِیْفِ الرِّیَاحِ اٰیٰتٌ لِّقَوْمٍ یَّعْقِلُوْنَ.﴾ (الجاثیہ: ۳۔۵) یہاں وَاخْتِلَافِ الَّیْلِ وَالنَّہَارِ…… لِّقَوْمٍ یَعْقِلُوْنَ کا عطف دو عاملوں کے دو معمولوں پر ہے، اسے منصوب پڑھا جائے یا مرفوع۔ اگر اسے اگر منسوب پڑھا جائے تو دو عامل اِنَّ اور فِی ہوں گے اور واؤ عاطف ان دونوں کے قائم مقام بنایا جائے گا؛ لہٰذا واؤ اخْتِلَافِ الَّیْلِ وَالنَّہَارِ میں جر کا عمل کرے گی اور ’’آیات‘‘ میں نصب کا اور اگر اسے مرفوع پڑھا جائے تو عامل ’’مبتدا‘‘ اور ’’فی‘‘ ہوں گے۔ ’’واؤ‘‘ آیات میں رفع کا عمل کرے گی اور اِخْتِلَاف میں جر کا۔ یہ بات امام زمخشری نے بیان کی ہے۔ (انظر تفسیر ہذہ الایۃ فی ’’الکشاف‘‘ للزمخشری) ٭ حرفِ جر کو دوبارہ لائے بغیر ضمیر مجرور پر عطف کرنے کے جواز میں بھی علماء کا اختلاف ہے۔ جواز کے قائل لوگوں کی دلیل آیت ﴿وَ اتَّقُوا اللّٰہَ الَّذِیْ تَسَآئَ لُوْنَ بِہٖ وَ الْاَرْحَامَ﴾ (النساء: ۱) میں حمزہ کی قراء ت ہے جو ضمیر پر عطف کرتے ہوئے اَلْاَرْحَامَ کو جر دیتے ہیں ۔ اسی طرح آیت: ﴿وَ صَدٌّ عَنْ سَبِیْلِ اللّٰہِ وَ کُفْرٌ بِہٖ وَالْمَسْجِدِ الْحَرَامِ﴾ (البقرۃ: ۲۱۷) میں الْمَسْجِدِ کا عطف بھی بِہ کی ضمیر پر ہے۔ ۹۔ ایتاء اور اعطاء میں فرق: قرآن میں استعمال ہونے والے لفظ ایتاء اور اعطاء میں بھی فرق ہے، جوینی کہتے ہیں :