مباحث فی علوم القرآن

اختتام آیت: اختتام آیت سے مراد آیت کی انتہا ہے جس کے بعد اس اور اگلی آیت کے درمیان علامت فصل لکھی جاتی ہے، اسی لیے کہا جاتا ہے: ((کُلُّ رَأسِ آیۃٍ فَاصِلۃٌ، وَلَیْس کُلُّ فَاصِلۃٍ رَأْسُ آیۃٍ، فَالْفَاصِلۃُ نِعمَ النوعین وَائِراسُ الایَۃ وتجْمَعُ الضَّرْبَیْن بعدھا۔)) ہر راس الآ یہ فاصلہ ہے لیکن ہر فاصلہ راس الآیۃ نہیں ہے کیوں کہ فاصلہ علیحدگی کو دونوں اقسام پر بولا جاتا ہے جب کہ راس الآیۃ (اختتام آیت) صرف دو آیات کے درمیان فرق کو واضح کرتا ہے۔ لوگوں میں معروف علم بدیع کی زبان میں ایسی چیز کو سجع کا نام دیا جاتا ہے، لیکن اکثر علماء اس وصف (سجع) کا اطلاق قرآن پر نہیں کرتے؛ کیوں کہ یہ کلام ادیب لوگوں کے کلام، انبیاء کے بیانات اور بلیغ لوگوں کے اسلوب سے بہت بلند تر ہے، لہٰذا علماء فاصلے اور سجع کے درمیان فرق کرتے ہوئے کہتے ہیں : قرآن میں فاصلے معنی کے لحاظ سے ہیں ، بذاتہ ان کا کوئی مقصد نہیں ہے۔ جب کہ سجع وہ ہوتی ہے جس کا ایک خاص لحاظ رکھا جائے اور اسے معنی کے مطابق ڈھالا جائے؛ کیوں کہ اس میں کلام کو مسلسل ایک ہی وزن پر لایا جاتا ہے۔ قاضی ابوبکر باقلانی قرآن میں سجع ثابت کرنے کی کوشش کرنے والوں کا رد کرتے ہوئے کہتے ہیں : ان لوگوں کا دعویٰ صحیح نہیں ہے، اگر قرآن میں سجع ہوتی تو لوگوں کے کلام کے اسلوب سے خارج ہوتی؛ کیوں کہ اگر اس میں داخل ہوتی تو پھر قرآن کا اعجاز باقی نہ رہتا۔ اگر یہ کہنا جائز ہو کہ قرآن ایک عاجز کرنے والی سجع ہے تو پھر ان کے لیے یہ کہنا بھی جائز ہوگا کہ قرآن معجزانہ اشعار پر مشتمل ہے۔ یہ کیسے ہو سکتا ہے؟ سجمع تو عرب کے کاہنوں کی پسندیدہ چیز تھی۔ قرآن سے سجع کی نفی کرنا، اشعار کی نفی کرنے سے بھی زیادہ ضروری ہے؛ کیوں کہ شعر کے برعکس کہانت نبوت کی زیادہ مخالف ہے اور ان کے دلوں میں جو سجع کا وہم ہوا ہے وہ باطل ہے۔ کیوں کہ قرآن کریم کا سجع کی صورت میں ہونے کا مطلب یہ نہیں کہ یہ سجع ہی ہے اس لیے کہ سجع وہ کلام ہوتا ہے جس میں معنی