مباحث فی علوم القرآن

نے دو مرتبہ سنایا اور سب سے آخر میں آیت ﴿وَ اتَّقُوْا یَوْمًا تُرْجَعُوْنَ فِیْہِ اِلَی اللّٰہِ﴾ (البقرہ: ۲۸۱) نازل ہوئی تو جبریل علیہ السلام نے اسے آیتِ ربا اور آیتِ دین کے درمیان رکھنے کا حکم دیا۔ (انظر الاتفان: ۱/۶۲) قرآن کریم کی آیات اور سورتیں قرآن کریم کی سورتوں کی چار اقسام ہیں : ۱۔ طوال ۲۔ مئین ۳۔ مثانی ۴۔ مفصل جن کی راجح ترین تعریفات درجِ ذیل ہیں : ۱۔ طوال:… سات سورتیں طوال کہلاتی ہیں : ۱۔ البقرۃ، ۲۔آل عمران، ۳۔ النساء، ۴۔ المائدہ، ۵۔ الانعام، ۶۔ الاعراف، ۷۔ سورۃ الانفال اور توبہ دونوں ہی کیوں کہ ان دونوں سورتوں کے درمیان بسملہ کے ساتھ فصل نہیں کیا گیا یہ بھی کہا جاتا ہے سورۃ یونس ہے۔ ۲۔ مئین:… وہ سورتیں جن کی آیات کی تعداد سو یا اس سے زیادہ ہوں ۔ ۳۔ مثاني:… جو تعداد آیات میں مئین کے بعد ہوں انہیں مثانی کیے جانے کی وجہ یہ ہے کہ انہیں بار بار پڑھا جاتا ہے اور ان کی قراء ت طوال اور مئین سے زیادہ ہوتی ہے۔ ۴۔ مفصل:… ان کی ابتداء سورہ قٓ سے ہوتی ہے بعض کے نزدیک سورت الحجرات سے، اس کی تین اقسام ہیں ۔ ۱۔ طوال مفصل ۲۔ اوساط مفصل ۳۔ قصار مفصل طوال مفصل: سورت ق یا حجرات سے لے کر سورۃ النبا یا البروج تک۔ اوساط مفصل: عَمَّ یا البروج سے لے کر سورۃ الضحیٰ یا البینہ تک۔ قصار مفصل: سورۃ الضحیٰ یا البینہ سے لے کر قرآن کے آخر تک۔ ان سورتوں کو مفصل کا نام دیے جانے کی وجہ ان سورتوں کے درمیان کثرت سے بسملہ کے ساتھ فاصلے کا آنا ہے۔ قرآن کریم کی سورتوں کی کل تعداد ۱۱۴ ہے اگر انفال اور توبہ کو ایک ہی شمار