مباحث فی علوم القرآن

جو مصاحف سیدنا عثمان رضی اللہ عنہ نے تیار کروائے تھے آج ان میں سے ایک بھی موجود نہیں ہے۔ حافظ ابن کثیر کی کتاب ’’فضائل القرآن‘‘ میں جو یہ بات ملتی ہے کہ انہوں نے شام میں دمشق کی جامع مسجد میں ایک مصحف دیکھا تھا جو ایک باریک کھال پر لکھا ہوا تھا جو کہ شاید اونٹ کی کھال تھی تو اس بارے بیان کیا جاتا ہے کہ یہ شامی مصحف تھا، جو انگلینڈ منتقل کر دیا گیا تھا جب انگلینڈ روس کی سلطنت میں شامل ہوا تھا اور یہ مصحف وہاں لینن گراڈ کی لائبریری میں کچھ عرصہ تک رہا۔ نیز یہ بھی کہا جاتا ہے کہ وہ ۱۳۱۰ہجری میں دمشق کی مسجد میں جل گیا تھا۔ سیدنا عثمان رضی اللہ عنہ نے ۲۵ ہجری میں قرآن کو جمع کیا اور اسے ’’الجمع الثالث‘‘ کا نام دیا جاتا ہے۔ ایک شبہ کا ازالہ: بعض خود غرض لوگ قرآن کی ثقاہت کو داغ دار کرنے اور انتہائی دقت سے اس کی جمع وترتیب میں شکوک وشبہات پیدا کرنے کی کوشش کرتے ہیں ، یہاں ہم ان کے کچھ اعتراضات اور ان کا رد پیش کرتے ہیں ۔ ۱۔ وہ کہتے ہیں : آثار سے پتا چلتا ہے کہ قرآن کی کچھ چیزیں ان مصاحف میں لکھنے سے رہ گئی ہیں جو آج ہمارے ہاتھوں میں ہیں ، اس پر ان کے یہ دلائل ہیں : ۱۔ سیدہ عائشہ رضی اللہ عنہا فرماتی ہیں : رسول اللہ صلی اللہ علیہ وسلم نے ایک آدمی کو سنا جو مسجد میں قراء ت کر رہا تھا تو آپ نے فرمایا: ’’اللہ تعالیٰ اس آدمی پر رحم فرمائے، اس نے مجھے فلاں سورت کی فلاں فلاں آیات یاد دلا دی ہیں ۔‘‘ ایک روایت میں ہے ’’میں نے فلاں فلاں آیت کو چھوڑ دیا تھا۔‘‘ جب کہ ایک روایت کے الفاظ ہیں : ’’مجھے بھلا دی گئی تھیں ۔‘‘ (دیکھیے صحیح بخاری ومسلم) اس کا جواب یہ ہے کہ رسول صلی اللہ علیہ وسلم جن آیات کو بھول گئے ان کا یاد آجانا جمع قرآن میں شکوک پیدا نہیں کر سکتا۔ کیوں کہ جس روایت میں یہ ذکر آتا ہے کہ میں نے چھوڑ دیا تھا۔ اس کی