مباحث فی علوم القرآن

سورہ توبہ کی آخری آیات ﴿لَقَدْ جَآئَ کُمْ رَسُوْلٌ مِّنْ اَنْفُسِکُمْ عَزِیْزٌ عَلَیْہِ مَا عَنِتُّمْ حَرِیْصٌ عَلَیْکُمْ بِالْمُؤْمِنِیْنَ رَئُ وْفٌ رَّحِیْمٌ. فَاِنْ تَوَلَّوْا فَقُلْ حَسْبِیَ اللّٰہُ لَآ اِلٰہَ اِلَّا ہُوَ عَلَیْہِ تَوَکَّلْتُ وَ ہُوَ رَبُّ الْعَرْشِ الْعَظِیْمِ.﴾ (التوبہ: ۱۲۸۔۱۲۹) مجھے ابوخزیمہ انصاری رضی اللہ عنہ سے ملیں جو کسی اور کے پاس نہیں تھیں ۔ یہ مصاحف ابوبکر رضی اللہ عنہ کی وفات تک ان کے پاس پھر عمر رضی اللہ عنہ کی زندگی میں ان کے پاس اور پھر حفصہ بنت عمر کے پاس رہے۔ سیدنا زید بن ثابت رضی اللہ عنہ نے انتہا درجہ تحقیق سے کام لیا، وہ حفظ کے علاوہ کتابت کو بھی ضروری سمجھتے تھے، حدیث میں وارد ان کی بات کہ ’’سورت توبہ کی آخری آیات مجھے صرف ابوخزیمہ انصاری سے ملیں کسی اور سے نہیں ۔‘‘ ان کے اصول کے منافی نہیں اور نہ اس کا مطلب یہ کہ یہ قراء ت متواتر نہیں ، بلکہ اس کا مطلب یہ ہے کہ یہ آیات ان کے علاوہ کسی اور کے پاس لکھی ہوئی نہیں تھیں ۔ جب کہ یہ آیات سیدنا زید سمیت بہت سے صحابہ کو یاد تھیں ، لیکن معاملہ یہ تھا کہ زید رضی اللہ عنہ حفظ وکتابت دونوں چیزوں پر اعتماد کرتے تھے تو یہ آیات بہت سے لوگوں کو یاد تھیں اور وہ گواہی بھی دیتے تھے کہ انہیں لکھا گیا تھا لیکن صرف ابوخزیمہ انصاری کے پاس ہی لکھی ہوئی موجود تھی۔ ابن ابی داؤد نے یحییٰ بن عبدالرحمان کے طریق سے بیان کیا ہے کہ عمر رضی اللہ عنہ آئے اور کہنے لگے: جس شخص نے رسول اللہ صلی اللہ علیہ وسلم سے کچھ بھی قرآن سیکھا ہو وہ اسے لے آئے اور صحابہ کرام رضی اللہ عنہم اجمعین کاغذ، تختیوں اور کھجور کی ٹہنیوں پر لکھا کرتے تھے۔ وہ اس وقت تک کسی سے کچھ قبول نہیں کرتے تھے جب تک دو آدمی گواہی نہ دیتے۔ اس سے معلوم ہوتا ہے کہ سیدنا زید رضی اللہ عنہ صرف لکھے ہوئے پر اکتفا نہیں کرتے تھے جب تک سن کر یاد کرنے والے کی گواہی نہ مل جاتی۔ حالانکہ زید خود حافظ تھے لیکن احتیاط کی غرض سے وہ ایسا کرتے تھے۔ اسی طرح امام ابن ابی داؤد نے عروہ بن زبیر رضی اللہ عنہ سے بیان کیا کہ ابی ابوبکر رضی اللہ عنہ نے عمر اور