مباحث فی علوم القرآن

سُوَر کی ترتیب میں یہ اس ہار کی طرح ہے جس کے موتی بڑی نفاست سے ترتیب سے دیئے گئے ہوں اور انسانی کلام میں اس کی مثال نہیں ملتی۔اللہ تعالیٰ فرماتے ہیں : ﴿کِتٰبٌ اُحْکِمَتْ اٰیٰتُہٗ ثُمَّ فُصِّلَتْ مِنْ لَّدُنْ حَکِیْمٍ خَبِیْرٍ.﴾(ہود: ۱) ’’ ایک کتاب ہے جس کی آیات محکم کی گئیں ، پھر انہیں کھول کر بیان کیا گیا، ایک کمال حکمت والے کی طرف سے جو پوری خبر رکھنے والا ہے۔‘‘ اور اگر یہ قرآن کسی انسان کا کلام ہوتا اور اسے متعدد مناسبات اور مسلسل واقعات وحوادث کے پیش نظرمرتب کیا گیا ہوتا تو یہ ٹوٹ پھوٹ کا شکار ہوتا اور اس میں اس قدر مطابقت اور ہم آہنگی نہ ہوتی۔ فرمایا: ﴿وَ لَوْ کَانَ مِنْ عِنْدِ غَیْرِ اللّٰہِ لَوَجَدُوْا فِیْہِ اخْتِلَافًا کَثِیْرًا.﴾ (النساء: ۸۲) ’’اور اگر یہ غیر اللہ کی طرف سے ہوتا تو وہ اس میں بہت زیادہ اختلاف پاتے۔‘‘ چناں چہ احادیث رسول جو کہ قرآن کے بعد فصاحت وبلاغت کے اعلیٰ درجہ پر ہیں انہیں بھی ایسی کتاب میں جمع نہیں کیا گیا جس میں قرآن کی طرح عبارت کی روانگی ، لفظوں کی بناوٹ کی دل کشی اور ہم آہنگی ویکسانیت پائی جاتی ہو۔ جب حدیث کا معاملہ یہ ہے تو باقی لوگوں کی باتوں کی کیا اہمیت ہو سکتی ہے۔اللہ تعالیٰ فرماتے ہیں : ﴿قُلْ لَّئِنِ اجْتَمَعَتِ الْاِنْسُ وَ الْجِنُّ عَلٰٓی اَنْ یَّاْتُوْا بِمِثْلِ ہٰذَا الْقُرْاٰنِ لَا یَاْتُوْنَ بِمِثْلِہٖ وَلَوْ کَانَ بَعْضُہُمْ لِبَعْضٍ ظَہِیْرًا.﴾ (الاسراء: ۸۸) ’’کہہ دیجیے اگر جن وانس اس قرآن جیسا لانے کے لیے اکٹھے ہو جائیں تو ایک دوسرے کے معاون ہونے کے باوجود بھی اس جیسا قرآن نہیں لا سکتے۔‘‘ (دیکھیے: مناہل العرفان للزرقانی: ۱/۵۴) قسط وار نزول قرآن کے تعلیمی وتربیتی فوائد: تعلیمی میدان میں دو بنیادی چیزوں کا خیال رکھا جاتا ہے۔ ایک طلبہ کی ذہنی استعداد اور