مباحث فی علوم القرآن

طرح واضح حکم لے کر آتا اور ان کے تقاضوں کے مطابق قانون کی بنیادیں یکے بعد دیگرے فراہم کرتا جس سے ان کے دلوں کا علاج ہوتا۔ قرآن کریم کے ابتدائی اصول اللہ تعالیٰ، اس کے فرشتوں ، اس کی کتابوں ، رسولوں ، یوم آخرت، جزاوسزا اور جنت وجہنم پر ایمان لانے پر مشتمل ہیں ، قرآن نے ان باتوں پر دلائل دیے، جن سے مشرکین کے دلوں سے بت پرستی کے عقائد جڑ سے ختم ہوئے اور ان میں اسلامی عقائد کا پودا پروان چڑھنے لگا۔ قرآن نے اخلاقی خوبیاں اپنانے کا حکم دیا جن کی بدولت ان کا تزکیہ نفس ہوا اور ان کی کجی درست ہوئی، اسی طرح اس نے بے حیائی اور برائی سے منع کیا جس سے شر اور فساد کی جڑیں کٹ گئیں ۔ حلال وحرام کے قواعد وضع کیے تاکہ دین سربلند ہو سکے اور کھانے پینے، مال واسباب اور خون کے بارے تمام امور ان کے دلوں میں پیوست ہو جائیں ۔ پھر بتدریج قانون سازی کر کے امت کے دلوں کی ان اجتماعی بیماریوں کا علاج کیا جو ان کے دلوں میں گھر چکی تھیں ۔ اس سے ان کے لیے دین کے فرائض اور ارکانِ اسلام کی قانون سازی کی جس کی بدولت ان کے دل ایمان کی روشنی سے معمور ہوگئے اور وہ خالص اللہ کی عبادت کرنے لگے۔ اسی طرح قرآن کریم مسلمانوں کو اعلائے کلۃ اللہ کے لیے ان کے طویل ترین جہاد میں پیش آنے والے حوادثات کے مطابق نازل ہوتا۔ اسی لیے جب ہم قرآن کریم کی مکی اور مدنی سورتوں کو بنظر غائر دیکھتے ہیں تو وہ قانونی دفعات فراہم کرتی ہیں ۔ چند ایک مثالیں حسب ذیل ہیں : ٭ مکہ میں نماز کی ابتدا ہوئی اور سود کے مقابلے میں نظامِ زکوٰۃ کو شروع کیا گیا۔ اللہ تعالیٰ کا فرمان ہے: ﴿فَاٰتِ ذَا الْقُرْبٰی حَقَّہٗ وَ الْمِسْکِیْنَ وَ ابْنَ السَّبِیْلِ ذٰلِکَ خَیْرٌ لِّلَّذِیْنَ یُرِیْدُوْنَ وَجْہَ اللّٰہِ وَ اُولٰٓئِکَ ہُمُ الْمُفْلِحُوْنَ.وَ مَآ اٰتَیْتُمْ مِّنْ رِّبًالِّیَرْبُوَاْ فِیْٓ اَمْوَالِ النَّاسِ فَلَا یَرْبُوْا عِنْدَ اللّٰہِ وَمَآ اٰتَیْتُمْ مِّنْ زَکٰوۃٍ تُرِیْدُوْنَ