مباحث فی علوم القرآن

لیے اس کی آیات کی تلاوت کرتا، ان کا تزکیہ کرتا اور انہیں کتاب وحکمت کی تعلیم دیتا ہے حالانکہ وہ اس سے پہلے واضح گمراہی میں تھے۔‘‘ نیز فرمایا: ﴿اَلَّذِیْنَ یَتَّبِعُوْنَ الرَّسُوْلَ النَّبِیَّ الْاُمِّیَّ﴾ (الاعراف: ۱۵۷) چناں چہ اگر قرآن ایک ہی دفعہ نازل ہوتا تو ایک اَن پڑھ قوم کے لیے اسے یاد کرنا، اس کے معانی کو سمجھنا اور اس کی آیات میں غوروفکر آسان نہیں تھا۔ اس لیے قرآن کا قسط وار نزول قرآن کے ان کے سینوں میں محفوظ ہونے اور اس کی آیات کے فہم میں بہترین معاون ثابت ہوا۔ جب بھی کوئی آیت یا چند آیات نازل ہوتیں تو صحابہ انہیں یاد کر لیتے۔ ان کے معانی سمجھ لیتے اور ان کے احکامات سے واقفیت حاصل کر لیتے اور تعلیم وتعلم کا یہی سلسلہ تابعین کی زندگیوں تک جاری رہا۔ ابو نضرہ رحمہ اللہ فرماتے ہیں : ’’سیدنا ابوسعید الخدری رحمہ اللہ ہمیں قرآن کی پانچ آیات صبح اور پانچ آیات شام کو سکھایا کرتے تھے اور وہ بتاتے تھے کہ جبریل علیہ السلام قرآن کی پانچ پانچ آیات لے کر آیا کرتے تھے۔‘‘ (اخرجہ ابن عساکر) خالد بن دینار کہتے ہیں ، ابوالعالیہ رحمہ اللہ نے ہم سے فرمایا: ’’قرآن کو پانچ پانچ آیتیں کر کے سیکھو، کیوں کہ نبی صلی اللہ علیہ وسلم جبریل علیہ السلام سے پانچ پانچ آیات یاد کیا کرتے تھے۔‘‘ (اخرجہ البیہقی) اسی طرح سیدنا عمر رضی اللہ عنہ فرماتے ہیں : ’’قرآن کی پانچ پانچ آیتیں سیکھا کرو، کیوں کہ جبریل علیہ السلام نبی صلی اللہ علیہ وسلم پر قرآن کی پانچ پانچ آیات لے کر نازل ہوا کرتے تھے۔‘‘ (اخرجہ البیہقی فی شعب الایمان) چوتھی حکمت: حالات وواقعات کے ساتھ مطابقت اور تدریجی قانون سازی: قرآن کریم اگر خوش اسلوبی کے ساتھ لوگوں کا علاج نہ کرتا اور ان کی بری عادات دور کرنے کے لیے انہیں کوئی مناسب دوا نہ دیتا تو یہ سب ہٹ دھرم لوگ آسانی سے اس نئے دین کی بالادستی کو قبول نہ کرتے۔ جب بھی ان کے درمیان کوئی واقعہ پیش آتا تو قرآن ان کے لیے روزِ روشن کی