مباحث فی علوم القرآن

سے حق کے ساتھ اتارا ہے، تاکہ وہ اس کے ساتھ ایمان والوں کو ثابت رکھے اور (یہ قرآن) مسلمانوں کے لیے ہدایت اور خوش خبری ہے۔‘‘ اسی طرح فرمایا: ﴿تَنْزِیْلُ الْکِتٰبِ مِنَ اللّٰہِ الْعَزِیْزِ الْحَکِیْمِ.﴾ (الجاثیۃ: ۲) ’’یہ قرآن اللہ غالب حکمت والے کی طرف سے نازل شدہ ہے۔‘‘ ایک مقام پر فرمایا: ﴿وَ اِن کُنْتُمْ فِیْ رَیْبٍ مِّمَّا نَزَّلْنَا عَلٰی عَبْدِنَا فَاتُوْا بِسُوْرَۃٍ مِّن مِّثْلِہٖ﴾ (البقرہ: ۲۳) ’’اور اگر تم ہماری نازل کی ہوئی چیز کے بارے شک میں ہو تو اس جیسی ایک سورت بنا لاؤ۔‘‘ ایک جگہ اس طرح فرمایا: ﴿قُلْ مَنْ کَانَ عَدُوًّا لِّجِبْرِیْلَ فَاِنَّہٗ نَزَّلَہٗ عَلٰی قَلْبِکَ بِاِذْنِ اللّٰہِ مُصَدِّقًا لِّمَا بَیْنَ یَدَیْہِ وَہُدًی وَّبُشْرٰی لِلْمُؤْمِنِیْن.﴾ (البقرہ: ۹۷) ’’آپ فرما دیں کہ جبریل علیہ السلام کا دشمن کون ہے۔ اس نے تو اللہ کے حکم سے آپ کے دل پر اسے اتارا ہے (اور یہ قرآن) اپنے سے پہلی (کتابوں ) کی تصدیق کرنے والا اور مومنوں کے لیے ہدایت وبشارت ہے۔‘‘ یہ آیات وضاحت کرتی ہیں کہ قرآن عربی الفاظ کے ساتھ اللہ تعالیٰ کا کلام ہے، جبریل علیہ السلام نے اسے رسول اللہ صلی اللہ علیہ وسلم کے قلبِ اطہر پر اتارا اور یہ نزول اس کے آسمان دنیا پر نزول کے علاوہ ہے۔ چناں چہ اس سے قسط وار نزول مراد ہے۔ اس کی دلیل یہ ہے کہ یہاں لفظ انزال کی بجائے تنزیل استعمال ہوا ہے، جس سے بتدریج اور قسط وار نازل ہونا مراد ہے۔ کیوں کہ علماء لغت انزال اور تنزیل میں یہ فرق بیان کرتے ہیں کہ تنزیل جدا جدا نازل کرنے کو کہا جاتا ہے جب کہ انزال ہر طرح کے نزول کو کہتے ہیں ۔ قرآن کریم 23سالوں میں قسط وار نازل ہوا جن میں ۱۳ سال مکہ اور ۱۰ سال مدینہ کے