مباحث فی علوم القرآن

مسند حدیث کے قائم مقام سمجھا جائے گا جیسے کہ اگر وہی صحابی اس بات کو ذکر کرنے والا ہو جس کے بارے اس کا نزول ہوا۔ یا پھر اسے تفسیر کے قائم مقام سمجھا جائے گا جو کہ مسند نہیں ہوتی۔ امام بخاری رحمہ اللہ اسے مسند میں داخل کرتے ہیں لیکن دیگر ائمہ کرام اسے مسند میں داخل نہیں کرتے اور اکثر مسانید اس اصطلاح کے مطابق ہیں جیسا کہ مسند احمد وغیرہ۔ لیکن جب اس سبب کو ذکر کیا جائے جس کے بعد وہ آیت نازل ہوئی تو اس قسم کی روایت کو تمام ائمہ مسند میں داخل کرتے ہیں ۔ مسند ہونے کا مطلب ہے کہ رسول اللہ صلی اللہ علیہ وسلم تک مرفوع ہو خواہ صحابی کا ہی قول ہو، کیوں کہ اس بارے اجتہاد کے ساتھ کہنے کی کوئی گنجائش نہیں ۔ زرکشی رحمہ اللہ اپنی کتاب ’’البرہان‘‘ میں کہتے ہیں : ’’صحابہ کرام رضی اللہ عنہم اجمعین اور تابعین عظام رحمہم اللہ کی عادت ہے کہ جب وہ یہ کہتے ہیں ’’نزلت ھذہ الآیۃ فی کذا‘‘ تو اس سے ان کی مراد یہ ہوتی ہے کہ یہ آیت اس حکم کو شامل ہے یہ نہیں کہ یہ واقعہ اس کا شانِ نزول ہے، بلکہ آیت سے اس حکم پر استدلال ہوتا ہے اور مقصد یہ نہیں ہوتا کہ واقعہ کو اسی لیے نقل کیا گیا ہے۔‘‘ (تفصیل کے لیے دیکھیے: ’’الاتقان‘‘ ج ۱ ص: ۳۱) شان نزول کے بارے ایک سے زیادہ روایات ہونا: کبھی ایسا بھی ہوتا ہے کہ ایک آیت کے شانِ نزول کے بارے متعدد روایات ہوتی ہیں ، لہٰذا ایسی صورت میں ایک مفسر کی یہ آراء ہوتی ہیں : ۱۔ جب شانِ نزول کے بارے واضح صیغے کا استعمال نہ ہوا ہو جیسے کوئی یہ بیان کرے ’’نزلت ھذہ الآیۃ فی کذا‘‘ یا یوں کہے: ’’احسبھا نزلت فی کذا‘‘ تو ان دونوں میں کوئی فرق نہیں کیوں کہ اس سے مراد تفسیر ہوتی ہے اور یہ بیان کرنا مقصود ہوتا ہے کہ یہ بات بھی آیت میں داخل ہے اور اس سے یہ بات حاصل ہوتی ہے، ان الفاظ کے ساتھ سب نزول بیان کرنا صرف اسی صورت میں مقصود ہوتا ہے جب کوئی ایسا قرینہ آجائے جس سے معلوم ہوتا ہو کہ اس سے سبب کو ذکر کرنا مقصود ہے۔ ۲۔ جب کوئی صیغہ غیر واضح ہو مثلاً ایک بیان کرنے والا یوں کہے: ’’نزلت فی کذا‘‘ اور