مباحث فی علوم القرآن

بن سحماء کے ساتھ زنا کرنے کی تہمت لگائی تو رسول اللہ صلی اللہ علیہ وسلم نے فرمایا: ’’ثبوت دو ورنہ تمہاری کمر پر (تہمت کی) حد لگے گی، اس نے کہا: اے اللہ کے رسول! ہم میں سے کوئی آدمی جب اپنی بیوی کے ساتھ کسی آدمی کو زنا کرتے دیکھے تو وہ گواہ تلاش کرنے چلا جائے؟ لیکن رسول اللہ صلی اللہ علیہ وسلم یہی فرما رہے تھے ثبوت لاؤ ورنہ تمہاری پشت پر حد لگے گی، ہلال کہنے لگے: اس ذات کی قسم جس نے آپ کو حق دے کر بھیجا ہے! میں سچا ہوں اور اللہ تعالیٰ ضرور کوئی ایسی بات نازل فرما دے گا جس کی وجہ سے میری پشت حد سے بچ جائے گی، چناں چہ جبرئیل علیہ السلام یہ آیات لے کر اترے۔‘‘ (اخرجہ البخاری والترمذی وابن ماجۃ) ﴿وَالَّذِیْنَ یَرْمُوْنَ اَزْوَاجَہُمْ وَلَمْ یَکُنْ لَہُمْ شُہَدَائُ اِِلَّا اَنفُسُہُمْ فَشَہَادَۃُ اَحَدِہِمْ اَرْبَعُ شَہَادَاتٍ بِاللّٰہِ اِِنَّہٗ لَمِنْ الصَّادِقِیْنَ. وَالْخَامِسَۃُ اَنَّ لَعْنَۃَ اللّٰہِ عَلَیْہِ اِِنْ کَانَ مِنَ الْکَاذِبِیْنَ. وَیَدْرَاُ عَنْہَا الْعَذَابَ اَنْ تَشْہَدَ اَرْبَعَ شَہَادَاتٍ بِاللّٰہِ اِِنَّہٗ لَمِنَ الْکَاذِبِیْنَ. وَالْخَامِسَۃَ اَنَّ غَضَبَ اللّٰہِ عَلَیْہَا اِِنْ کَانَ مِنْ الصَّادِقِیْنَ.﴾ (النور: ۶۔۹) ’’اور جو لوگ اپنی بیویوں پرتہمت لگائیں اور ان کے پاس کوئی گواہ نہ ہوں مگر وہ خود ہی تو ان میں سے ہر ایک کی شہادت اللہ کی قسم کے ساتھ چار شہادتیں ہیں کہ بلاشبہ یقینا وہ سچوں سے ہے اور پانچویں یہ کہ بے شک اس پر اللہ کی لعنت ہو، اگر وہ جھوٹوں سے ہو۔ اور اس (عورت) سے سزا کو یہ بات ہٹائے گی کہ وہ اللہ کی قسم کے ساتھ چار شہادتیں دے کہ بلاشبہ یقینا وہ (مرد) جھوٹوں سے ہے اور پانچویں یہ کہ بے شک اس (عورت) پر اللہ کا غضب ہو، اگر وہ (مرد) سچوں سے ہو۔‘‘ ان آیات میں آیات کے عمومی الفاظ سے جو حکم نکلا ہے اس کا اطلاق ہلال بن امیہ پر ہی نہیں بلکہ اس معاملے سے دوچار ہونے والے ہر آدمی پرہو گا اور اس کے لیے کسی دوسری دلیل کی ضرورت نہیں ہے۔ یہی رائے راجح اور سب سے صحیح ہے، شریعت کے عمومی احکام اسی سے تعلق رکھتے ہیں ۔ نیز صحابہ کرام رضی اللہ عنہم اجمعین اور اس امت کے مجتہدین کا بھی طریقہ رہا ہے کہ وہ آیات کے احکام کو سبب