مباحث فی علوم القرآن

احکام کا نفاذ ہوا، جس کی بدولت ان کی زندگی بہترین انداز میں حق پر گامزن رہی اور ان کے معاشرتی معاملات ایک ترتیب کے ساتھ سیدھے راستے پر رواں رہے۔ ۳۔ ناسخ اور منسوخ کے درمیان پہچان:… بسا اوقات ایک ہی موضوع پر دو یا تین آیات آجاتی ہیں اور حکم کے اعتبار سے ان میں اختلاف بھی ہوتا ہے۔ چناں چہ جب یہ پتا چل جائے کہ ان میں کون سی آیت پہلے اور کون سی بعد میں نازل ہوئی ہے تو بعد میں نازل ہونے والی آیت پہلی کے لیے ناسخ کی حیثیت رکھتی ہے۔ سوالات ۱۔ قرآن کی سب سے پہلی وحی کے بارے راحج موقف بیان کریں ۔ ۲۔ نزول کے لحاظ سے آخری آیت کے بارے کتنے اقوال ہیں ؟ نیز ان میں راحج قول کیا ہے؟ ۳۔ آیت ربا، آیت دین اور آیت کلالہ سے کون کون سی آیات مراد ہیں ؟ ۴۔ کھانے والی اشیاء کی حلت وحرمت کے بارے پہلے کون سی آیات نازل ہوئیں ؟ ۵۔ شراب کی حرمت کے بارے نازل ہونے والی آیات اور ان کی ترتیب بیان کریں ۔ ۶۔ پہلے اور بعد میں نازل ہونے والی آیات کی پہچان کے فوائد تحریر کریں ۔