مباحث فی علوم القرآن

لگے: اے اللہ رسول! نماز کے قریبی وقت میں ہم اسے نہیں پئیں گے، آپ صلی اللہ علیہ وسلم خاموش رہے۔ اس کے بعد آیت: ﴿یٰٓاَیُّہَا الَّذِیْنَ اٰمَنُوْٓا اِنَّمَا الْخَمْرُ وَ الْمَیْسِرُ وَ الْاَنْصَابُ وَ الْاَزْلَامُ رِجْسٌ مِّنْ عَمَلِ الشَّیْطٰنِ فَاجْتَنِبُوْہُ لَعَلَّکُمْ تُفْلِحُوْنَ.﴾ (المائدہ: ۹۰) نازل ہوئی تو رسول اللہ صلی اللہ علیہ وسلم نے فرمایا: شراب حرام ہوچکی ہے۔ (رواہ الطیالسی فی مسندہ) قتال کے بارے: سیدنا عبداللہ بن عباس رضی اللہ عنہ فرماتے ہیں : قتال کے بارے سب سے پہلے آیت: ﴿اُذِنَ لِلَّذِیْنَ یُقٰتَلُوْنَ بِاَنَّہُمْ ظُلِمُوْا وَ اِنَّ اللّٰہَ عَلٰی نَصْرِہِمْ لَقَدِیْرٌنِ.﴾ (الحج: ۳۹) نازل ہوئی تھی۔ (رواہ الحاکم فی المستدرک) فوائد:…سب سے پہلے اور سب سے آخر میں نازل ہونے والی آیات کی پہچان کے درجِ ذیل فوائد ہیں : ۱۔ اس خاص توجہ کا بیان کرنا جو قرآن کی حفاظت اور اسے یاد کرنے کے لیے عطا کی گئی ہے، چناں چہ صحابہ کرام رضی اللہ عنہم اجمعین نے اس کتاب کی ایک ایک آیت کو یاد کیا، اور اس بات کی معرفت حاصل کی یہ آیت کب اور کہاں نازل ہوئی؟ کیوں کہ وہ رسول اللہ صلی اللہ علیہ وسلم سے قرآن کو اس طرح سیکھتے تھے جیسے اہل ایمان اپنے دین کے اصول ایمانی وارفتگی اور اپنی عزت وعظمت کے محور کو سیکھتے ہیں ، جس کا نتیجہ یہ نکلا کہ قرآن تغیروتبدل سے محفوظ رہا جیسے کہ اللہ تعالیٰ کا فرمان ہے: ﴿اِنَّا نَحْنُ نَزَّلْنَا الذِّکْرَ وَ اِنَّا لَہٗ لَحٰفِظُوْنَ.﴾ (الحجر: ۹) ’’بے شک ہم نے ہی اس نصیحت (والی کتاب) کو اتارا اور ہم ہی اس کے محافظ ہیں ۔‘‘ ۲۔ قانون اسلامی کے اسرارورموز کو اس کے اصل ماخذ کی تاریخ میں پہچاننا، قرآن کریم کی آیات نے انسانی نفسیات کا علاج آسمانی ہدایت سے کیا ہے۔ لوگوں نے وہ دانش مندانہ اسلوب اپنائے، جس سے ان کے نفوس کمال کی بلندیوں کو چھونے لگے، ان پر بتدریج