مباحث فی علوم القرآن

دے کر اور مشرکین کو وہاں سے نکال کر ان پر اپنی نعمت کو پورا کر دیا ہے، نیز یہ کہ مسلمانوں نے مشرکین کی شرکت کے بغیر اکیلے حج کیا، کوئی مشرک بیت الحرام میں نہیں تھا۔ جب کہ اس سے پہلے مشرکین بھی مومنین کے ساتھ مل کر حج کرتے تھے، چناں چہ اتممت علیکم نعمتی میں اسی نعمت کے پورا ہونے کا ذکر ہے۔ قاضی ابوبکر باقلانی ’’الانتصار‘‘ میں سب سے آخر میں نازل ہونے والی آیات کے بارے مختلف اقوال پر تبصرہ کرتے ہوئے کہتے ہیں : ان تمام اقوال میں نبی صلی اللہ علیہ وسلم سے ایک بھی قول ثابت نہیں ، کہنے والے نے اپنے اجتہاد اور غالب گمان کی بناء پر یہ کہا ہے، یا یہ بھی ہو سکتا ہے کہ راوی نے آپ کی وفات والے دن یا اس سے کچھ دن پہلے آپ کی بیماری کے ایام میں وہ آیت سنی، جب کہ اس کے بعد کسی اور آدمی نے کوئی بات سنی جو پہلا نہیں سن سکا۔ یہ بھی احتمال ہے کہ جب یہ آخری آیت نازل ہوئی تو رسول اللہ صلی اللہ علیہ وسلم نے اسے دوسری آیات کے ساتھ ملا کر تلاوت کیا ہو، پھر دوسری آیات کو اس آخر میں نازل ہونے والی وحی کے بعد لکھنے کا حکم دیا ہو اور سننے والے کو یہ لگا کہ شاید یہ سب سے آخر میں نازل ہوئی ہے۔ موضوعاتی اعتبار سے پہلے نازل ہونے والی آیات علماء نے موضوعاتی اعتبار سے پہلے نازل ہونے والی آیات پر بھی خصوصی توجہ دی ہے، جن میں سے کچھ کی تفصیل حسب ذیل ہے۔ کھانے کے متعلق: خوراک کے بارے سب سے پہلے مکہ میں یہ آیت نازل ہوئی: ﴿قُلْ لَّآ اَجِدُ فِیْ مَآ اُوْحِیَ اِلَیَّ مُحَرَّمًا عَلٰی طَاعِمٍ یَّطْعَمُہٗٓ اِلَّآ اَنْ یَّکُوْنَ مَیْتَۃً اَوْدَمًا مَّسْفُوْحًا اَوْ لَحْمَ خِنْزِیْرٍ فَاِنَّہٗ رِجْسٌ اَوْ فِسْقًا اُہِلَّ لِغَیْرِ اللّٰہِ بِہٖ فَمَنِ اضْطُرَّ غَیْرَ بَاغٍ وَّلَا عَادٍ فَاِنَّ رَبَّکَ غَفُوْرٌ رَّحِیْمٌ.﴾ (الانعام: ۱۴۵) ’’کہہ دیجئے میں اس وحی میں ، جو میری طرف کی گئی ہے، کسی کھانے والے پر کوئی چیز