کتاب: مقالات ارشاد الحق اثری جلد5 - صفحہ 393
کدی نہ کسے نوں مندا بولیا سی
ہمیشہ خُلق دا بوہا کھولیا سی!
طبیعت چہ غصہ کدی وی نہ آیا
جدوں ویکھیا چہرہ ہسدا ای پایا
کدی پیدا ہندے بندے کم دے نے
کِتے روز ایسے بندے جم دے نے؟
جو مسجد بنا کے گیا یادگار اے
قلعہ اک قسم دا گیا کر تیار اے
بڑی وڈی چھڈ گیا اپنی نشانی
خدا اوہدے اُتے کرے مہربانی
دخل اوہدے کمّاں چہ جاندا نئیں پایا
خدا نے بیٹی نہ بیٹا عطایا
بھتیجے نوں اپنے سی بیٹا بنایا
بڑے شوق دے نال سی پڑھنے پایا
بھتیجے نے وی خوب حق سی ادایا
دلوں جانوں تائے نوں ابا بنایا
محبت دونہواں نوں آپوں وچ بڑی سی
جدا ہوناں نہ چاندے اک گھڑی سی
خدا ولوں پے گئیاں لمیاں جدایاں
دونہواں دیاں ریجھاں ای نہ وَر آیاں