مقالاتِ اثریہ

چھٹا مقالہ: صححہ الحاکم و وافقہ الذہبي کا تحقیقی جائزہ الحمد للّٰہِ رب العالمین والصلاۃ والسلام علی خیر الأنام محمد بن عبد اللّٰہ صلی اللّٰه علیہ وسلم ومن والاہ۔ أما بعد: امام حاکم رحمہ اللہ کا اسمِ گرامی محمد بن عبداللہ بن حمدویہ ہے۔ جو معروف امام، ناقد، حافظ، علامہ اور شیخ المحدثین تھے۔ کنیت ابو عبداللہ ابن البیع قرار پائی۔ الضبی، النیسابوری کی نسبت سے معروف ہوئے۔ ولادت باسعادت سوموار (۱۳) ربیع الأول ۳۲۱ھ کو نیشاپور میں ہوئی۔ (سیر أعلام النبلاء: ۱۷/ ۱۶۲، ۱۶۳) آپ کی علمی تُراث میں متعدد تصنیفات موجود ہیں۔ ان میں سے المستدرک علی الصحیحین شہرۂ آفاق کتاب ہے۔ صاحبِ کتاب اس کے منہج کی توضیح میں رقمطراز ہیں: ’’وقد سألني جماعۃ من أعیان أھل العلم بہذہ المدینۃ وغیرھا أن أجمع کتابًا یشتمل علی الأحادیث المرویۃ بأسانید یحتج محمد بن إسماعیل و مسلم بن الحجاج بمثلھا‘‘ ’’اس شہر اور دیگر شہروں کے متعدد نامور اہلِ علم نے مجھ سے تقاضا کیا کہ میں ان احادیث پر مشتمل ایک کتاب تالیف کروں جن جیسی سندوں