مقالاتِ اثریہ

تیسرا حصہ زیادۃ الثقہ کی قبولیت قرائن کے تناظر میں محترم زبیر صاحب کی نویں دلیل کے بعد اب ہم دسویں دلیل (آخری) کی طرف چلتے ہیں۔ چنانچہ وہ رقمطراز ہیں: ’’ان دس مثالوں سے یہ ثابت کر دیا گیا ہے کہ ثقہ راوی کی زیادت اگر من کل الوجوہ منافی نہ ہو، جس میں تطبیق و توفیق ممکن ہی نہیں ہوتی تو پھر عدمِ منافات والی یہ زیادت مقبول و حجت ہے۔‘‘ (الاعتصام، ج: ۶۰، ش: ۴۸، ص: ۲۷) قرائن کا اعتبار: یہ دس مثالیں دراصل ہمارے موقف ہی کی مؤید ہیں، آگے بڑھنے سے پہلے ہم زیادۃ الثقہ کے حوالے سے اپنی بات دہرانا چاہتے ہیں تاکہ اصل حقیقت منکشف ہوجائے۔ ہم نے سابقہ مضمون میں عرض کیا تھا: ’’زیادتی کے رد اور انکار کا مدار اس پر ہوگا کہ وہ زیادتی دوسرے ثقہ راویوں کی روایت کے منافی ہو تو ایسی صورت میں جمہور محدثین کے ہاں ناقابلِ اعتبار ہوگی۔ اگر وہ منافی نہ ہو اور کوئی قرینہ اس زیادت