مومن کی نماز

3۔صف سید ھی کرنا اوراس کو ملانا : 1۔ جیساکہ سیّدنا انس رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ((سَوُّوْا صُفُوْفَکُمْ فَإِنَّ تَسْوِیَۃَ الصُّفُوْفِ مِنْ تَمَامِ الصَّلٰوۃِ۔))[1] ’’صفوں کو سیدھا کروکیونکہ صفوں کی درستگی نمازکے مکمل ہونے میں سے ہے۔‘‘ 2۔ اورسیّدنا انس رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا : (( أَقِیْمُوْا صُفُوْفَکُمْ فَإِنِّیْ أَرَاکُمْ مِنْ وَرَائِ ظَہْرِیْ‘‘ وَکَانَ أَحَدُنَا یُلْزِقُ مَنْکِبَہُ بِمَنْکِبِ صَاحِبِہٖ وَقَدَمَہُ بِقَدَمِہٖ۔))[2] ’’اپنی صفوں کو سیدھا کرو بے شک میں تمہیں اپنے پیچھے سے بھی دیکھتا ہوں (سیّدنا انس رضی اللہ عنہ راوی حدیث کہتے ہیں)کہ ہم اپنے ساتھی کے کندھے کے ساتھ کندھا اور پاؤں کیساتھ پاؤں چپکالیتے تھے۔‘‘ 3۔ اورسیّدنا جابر بن سمرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: (( أَلاَ تَصُفُّوْنَ کَمَا تَصُفُّ الْمَلاَئِکَۃُ عِنْدَ رَبِّہَا فَقُلْنَا: یَا رَسُوْلَ اللّٰہِ صلي اللّٰه عليه وسلم وَکَیْفَ تَصُفُّ الْمَلاَئِکَۃُ عِنْدَ رَبِّہَا؟ قَالَ: یُتِمُّوْنَ الصُّفُوْفَ الْأُوَلَ وَیَتَرَاصُّوْنَ فِی الصَّفِّ۔))[3] ’’تم اس طرح صفیں کیوں نہیں بناتے جس طرح فرشتے اپنے رب کے پاس صفیں بناتے ہیں ۔(سیّدنا جابر رضی اللہ عنہ راوی حدیث کہتے ہیں) ہم نے کہا اللہ

[1] صحیح البخاری:کتاب الأذان باب إقامۃ الصف من تمام الصلوۃ :حدیث نمبر : 723 وصحیح مسلم:کتاب الصلوۃ باب تسویۃ الصفوف وإقامتہا وفضل الأول فالأول منہا: حدیث نمبر : 975۔ [2] صحیح البخاری: کتاب الأذان باب إلزاق المنکب بالمنکب والقدم بالقدم فی الصف: 725 ۔ واللفظ لہ۔ [3] صحیح مسلم: کتاب الصلوۃ باب الأمر بالسکون فی الصلوۃ --وإتمام الصفوف الأول:حدیث نمبر : 968 واللفظ لہ۔ وسنن النسائی: کتاب الإمامۃ باب حث الإمام علی رصِّ الصفوف والمقاربۃ بینہا:حدیث نمبر : 816۔