مومن کی نماز

’’جب تو نماز کے لیے کھڑا ہو تومکمل وضوء کیا کر۔‘‘ توآئیے نبی کریم صلی اللہ علیہ وسلم کے وضوء کاطریقہ سمجھتے ہیں۔مناسب ہے وضوء کے طریقہ سے قبل وضو کا معنی سمجھ لیں۔ الْوُضُوْئُ:…یہ وَضُؤَ یَوْضُؤُ وَضَائَ ۃًسے ہے جس کا مطلب ہے(1) پاکیزہ اور (2) خوبصورت ہونا۔(3)حسن وپاکیزگی میں مقابلہ کرنا اور (4)غالب آنا۔ چنانچہ وضوء کو اس لیے وضوء کہتے ہیں کیونکہ یہ دنیا میں پاکیزگی اور آخرت میں خوبصورتی کا سبب ہے ۔ اور تَوَضَّأَ یَتَوَضَّأُ تَوَضُّأً کامطلب ہے نماز کے لیے وضو کرنا۔ اور (وُضُوْئٌ )وضو کرنے کو اور وَضُوْئٌ (پانی )کو اور وِضُوْئٌ (برتن) کو کہتے ہیں۔[1] وضوء کی فضیلت: 1۔ سیّدنا ابو مالک اشعری رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: ((اَلْوُضُوْئُ شَطْرُالإِْیْمَانِ))[2] ’’(مکمل) وضوء نصف ایمان ہے ۔‘‘ 2۔ سیّدنا عبداللہ بن عمر رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: (( لَا تُقْبَلُ صَلٰوۃٌ بِغَیْرِطُہُوْرٍ۔))[3] ’’ پاکیزگی کے بغیر نماز قبول نہیں ہوتی۔‘‘ 3۔ سیّدنا ابوہریرہ رضی اللہ عنہ بیان کرتے ہیں کہ رسول اللہ صلی اللہ علیہ وسلم نے فرمایا: (( لَا صَلٰوۃَ لِمَنْ لاَّوُضُوْئَ لَہٗ …))[4]

[1] نیل الأوطار : 1/174۔ [2] صحیح مسلم : کتاب الطہارۃ باب فضل الوضوء : حدیث نمبر : 533 و جامع الترمذی : کتاب الدعوات باب86 ،حدیث نمبر : 3517 واللفظ لہ وصحیح الجامع: حدیث نمبر : 925) [3] صحیح مسلم :کتاب الطہارۃ باب وجو ب الطہارۃ للصلوۃ : حدیث نمبر : 534 ، وجامع الترمذی : کتاب الطہارۃ باب ماجاء لا تقبل صلاۃ بغیر طہور :حدیث نمبر : 1۔ [4] سنن أبوداؤد:کتاب الطہارۃ /باب فی التسمیۃ علی الوضوء :حدیث نمبر : 101، و سنن ابن ماجہ: کتاب الطہارۃ وسننہا / باب ما جاء فی التسمیۃ علی الوضوئ:حدیث نمبر : 399، وصحیح الجامع:حدیث نمبر : 7514 ۔