مولانا محمد اسماعیل سلفی رحمہ اللہ

میرِ کارواں! (حضرت مولانا محمد اسماعیل رحمہ اللہ کی وفات حسرت آیات پرچندآنسو) اے دلِ اندوہگیں اے دیدہ حسرت شعار جس قدر چاہے پرولے آج تو اشکوں کے ہار بُجھ گئی ہے بزمِ دیں کی آخری قندیل بھی چل دیا منہ موڑ کرمحفل سے اسماعیل رحمہ اللہ بھی ہے زمیں ہنگامہ پرور آسماں خاموش ہے آہ اہلِ حق کا میرِ کارواں خاموش ہے مخزنِ دُرہائے قرآن معدنِ علمِ حدیث عاشقِ دینِ محمدﷺ عبدِ ربِّ مستغیث آہ وہ رجلِ رشید و مرد حقِ بطلِ جلیل علم میں وہ بے نظیر و حلم میں وہ بے عدیل وہ سلف کی سیرت و صورت کی زندہ یادگار پیکرِ اخلاص و احساں وہ شفیق و غمگسار جس کی فطرت ہرطرح بیم و رجا سے پاک تھی حق بیانی میں زباں جس کی سدا بےباک تھی