کتاب: مولانا احمد دین گکھڑوی - صفحہ 303
صورت سیرت سادی سادہ سی درویش وچارا
بڑا مبلغ عالم فاضل بہت مناظر بھارا پڑھن پڑھان دا سلسلہ وی نئیں سوکھیاں ہو کے کیتا علم وی حاصل کیتا جے کر اوکھیاں ہو کے کیتا گکھڑ توں تِن میلاں اتے ہیجان تے جر جاناں اگ دے اگے بہناں پیناں کم لوہارا کرناں ایس کیفیت اندر ملیا علم دا ایہ سرمایہ قدرت نے کوئی کم نئیں لینا سی شوق سی دل وچ پایہ سنیاں، کم لوہارے دا وی ماہر بہت بڑا سی اس فن اندر وی کوئی اوہدے سامنے نہ کھڑا سی رب دا کرناں کِدّاں ہویا باپ نے اک دن کہیا علم تے پڑھ لیا احمد دینا علم توں کم نئیں لیا ایسا اثر کیتا ایس گل نے گیا فیر نہ رہیا اس توں پچھے شیر خدا دا بن مبلغ گیا بستی بستی پنڈیں شہریں خوب توحید سنائی شرک بدعت دے رد دے اندر عمر لنگھائی مسلک اہل حدیث تے جد وی کسے انگل اٹھائی دونہہ دونہہ ہتھیں لیا اس نوں کسر نہ چھڈی کائی جھکیا سنگیا رعب نہ کھادا نہ کسے توں ڈریا جس مضمون دے اتے بولیا مینہ دے وانگوں وریا