محدث شمارہ 48

اس آیت کے بعد ایک صحابی بولے: ایحجبنا محمد عن نبات عمنا۔ (در منثور) محمد صلی اللہ علیہ وسلم اپنی چچا زاد بہنوں کو بھی ہم سے پردہ کرائیں گے (ایضاً) گویا کہ پردہ چچا زاد بھائیوں سے بھی ضروری ہے۔ لیکن افسوس! محترم وزیرِ اعظم: ان کو اوٹ سے باہر لا کر قوم سے داد چاہتے ہیں بلکہ پارٹی کے جنرل سیکرٹری کو ناکامی پر کوستے بھی ہیں۔ ؎ جو چاہے تیرا حسن کرشمہ ساز کرے فرمایا: غیر محرم کے سامنے آنکھیں نیچی رکھیں۔ ﴿قُلْ لِّلْمُؤْمِنِیْنَ یَغُضُّوْا مِنْ اَبْصَارِھِمْ ......... وَقُلْ لِّلْمُؤْمِنَاتِ یَغْضُضْنَ مِنْ اَبْصَارِھِنَّ﴾ (سورۂ نور ع۴) معلوم ہوا کہ عورت کا مردوں کے سامنے ہونا اور مردوں کا ان کی دید سے لطف اندوز ہونا، اسلام نہیں بے دینی ہے۔ رحمۃ للعالمین صلی اللہ علیہ وسلم سے بڑھ کر پاک ہستی اور کون ہو سکتی ہے مگر آپ کا تعامل یہ تھا کہ کسی عورت سے چیز لیتے تو پردے کے پیچھے سے لیتے، حضرت عائشہ سے روایت ہے کہ: ادمت امراءَۃ من وراء سترٍ بیدھا کتابٌ الی رسول اللّٰہ صلی اللّٰہ علیہ وسلم (مشکوٰۃ) یعنی ایک صحابی خاتون نے پردے کے پیچھے سے ایک کتاب (مکتوب) رسول اللہ صلی اللہ علیہ وسلم کو پکڑائی۔ حضرت عائشہ فرماتی ہیں کہ حج کے موقع پر جب لوگ ہمارے پاس سے گزرتے ہیں تو ہم اپنی چادروں سے اپنے چہرے ڈھانپ لیتیں، جب گزر جاتے تو کھول لیتیں۔ فاذا حاذوبنا سدلت ادٰھنا جلبابھا من وراء راسھا علی وجھھا فاذا جاودونا کشفناہ (ابو داؤد) فیموبنا الرکب فتستدل المرأۃ الثوب من فوق راسھا علی وجھھا (دار قطنی) ایک صحابیہ اپنے شہید بیٹے کا حال معلوم کرنے کے لئے حضور کے پاس آئی تو گھونگھٹ کئے ہوئے تھی، ایک صحابی نے کہا کہ: پوچھنے حال آئی ہو اور نقاب پوش ہو کر؟ وہ بولی: میں نے اپنے بیٹے کو کھو دیا ہے، حیا کو تو نہیں کھویا۔ فقال لھا بعض اصحاب النبی صلی اللّٰہ علیہ وسلم جئتِ تسألین عن اتک واتت منتقبۃ فقالت اِن اُوزأ ابنی فلن ارزأ حیائی (ابو داؤد)