کتاب: محدث شمارہ 4 - صفحہ 32
صاحبِ عظمت، مالک سطوت، نورِ ہدایت، شمعِ صداقت
مظہرِ رحمت دیدۂ احمد صلی اللّٰه علیہ وسلم
جرم سے نفرت، ظلم سے کلفت، حلم سے رغبت، علم سے الفت
وعظ و نصیحت اسوۂِ احمد صلی اللّٰه علیہ وسلم
حق کا دولارا، نبیوں میں نیارا، آنکھوں کا تارا، دل کا سہارا
رشتوں میں پیارا رشتۂ احمد صلی اللّٰه علیہ وسلم
ان کی محبت، ان کی اطاعت، وجہ مسرت، باعثِ راحت
جنتِ عشرت کوچۂ احمد صلی اللّٰه علیہ وسلم
گھر کو جلائے، زر کو لٹائے عاجزؔ جائے، مقصد پائے
ہو کے فدائے جادۂِ محمد صلی اللّٰه علیہ وسلم