محدث شمارہ 37

باتفاق رائے پاس کی گئیں۔ ۱۔ قرآن مجید کی خصوصی تعلیم کے لئے یونیورسٹی میں ایک کالج قائم کیا جائے جس کا نام ’قرآن کالج‘ ہو۔ ۲۔ اس کالج میں مدت تعلیم چار سال ہو گی۔ ۳۔ تلاوتِ قرآن کے علاوہ باقی تمام مضامین کا امتحان تحریری ہو گا لیکن کالج کی کمیٹی تقریری امتحان کے لئے ہر سال چار مضامین کا انتخاب کرے گی اور ۵۰ فی صد نمبر حاصل کرنے والے کو کامیاب قرار دیا جائے گا۔ ۴۔ قرآن کالج میں داخلہ کی شرائط وہی ہیں جو جامعہ کے دوسرے کالجوں کے لئے ہیں۔ البتہ اس کالج میں داخلہ کے امیدوار کا حافظِ قرآن ہونا لازمی ہے اور اس کے لئے داخلہ سے پہلے خصوصی امتحان لیا جائے گا۔ ۵۔ ملکی ضرورت کو پیشِ نظر رکھتے ہوئے اس کالج میں سعودی طلبا کی تعد ۵۰ فی صد مقرر کی گئی ہے۔ ۶۔ قرآن کالج میں مندرجہ ذیل مضامین پڑھائے جائیں گے۔ ۱۔ تلاوتِ القرآن ۲۔ المدخل الی علم القراءات ۳۔ القراءات السبع ۴۔ القراءات الشاذۃ ۵۔ التوجیہ القراءات ۶۔ تاریخ المصحف ۷۔ الوقف والابتداء ۸۔ الرسم والضبط ۹۔ عدّ الآی ۱۰۔ علوم القرآن ۱۱۔ اعجاز القرآن و بلاغتہ ۱۲۔ التفسیر ۱۳۔ التوحید ۱۴۔ الحدیث ۱۵۔ النحو والصرف ۱۶۔ البحث والمراجع مذکورہ بالا مضامین پر مشتمل اسباق کی تقسیم اسی خاکہ کے مطابق ہو گی جس پر اس کالج کا پلان تیار کیا گیا ہے اور دیگر امور کے طریقۂ کار کے لئے ایک مفصل نصابِ تعلیم شائع کیا جائے گا۔ یونیورسٹی میں دعوت و تبلیغ کے ایک مرکز کا قیام یہ بات ذہن نشین کر لینی چاہئے کہ یہ یونیورسٹی کوئی علاقائی، ملکی، قومی اور صوبائی یونیورسٹی نہیں ہے اور نہ یہ نصابی یونیورسٹی ہے، بلکہ یہ ایک علمی، عملی، عالمی اور اسلامی عظیم الشان سرچشمہ اور ادارہ ہے جو عالمِ اسلام کے مسلمانوں کی ضرورتوں کو پورا کرنے کے لئے ایک اکیڈمی اور مرکز ہے، یونیورسٹی نے اپنا پیغام عام کرنے کے لئے اسی طریقہ اور نصب العین کو سامنے رکھا ہے جو اسلام نے روز اوّل سے