محدث شمارہ 35

كُنَّا نَعُدُّ ھٰذَا نِفَاقًا (بخاری) یہ نہیں کہ بادشاہوں کے خلاف کلمۂ حق بھی نہ کہا جائے بلکہ یہ عظیم جہاد ہے، مقصد یہ ہے کہ ان کی خوشامد نہ کی جائے جو حق ہے وہ سامنے بھی کہہ دیا جائے۔ افضل الجھاد كلمة حق عند سلطان جائر (مشكوٰة) بد زبانی بد زبانی اور زبان آوری نفاق کا حصہ ہے۔ البذاء والبیان شعبتان من النفاق (ترمذی) درشت مزاجی اور کنجوسی بھی نفاق کی شاخیں ہیں۔ ان البذاء والجفاء والشح من النفاق (رواہ احمد) منافق دیکھنے میں اچھا لگتا ہے منافق دیکھنے میں خوش نصیب اور سلامت نظر آتا ہے، لیکن جب آفت آتی ہے، یکدم آتی ہے اور اس کو جڑ سے اکھاڑ پھینکتی ہے۔ المنفاق كمثل الارزة المحذية التي لا يصيبھا شيءٍ حتي يكون انجعامنا مرة واحدة (صحيحين عن كعب) اگر تھوڑی بہت بیماری یا دیکھ سکھ آجائے تو اس کو وہ اتفاقات تصور کرتا ہے یا بعض طبعی تقاضے۔ پس پردہ خدا کا ہاتھ اس کو نظر نہیں آتا۔ ان المنافق اذا مرض ثم عُوْفِی کان کالبعیر عقله اھله ثم ارسلوه فلم يدر لِمَ عقلوه ولم ارسلوه (ابو داؤد) دلچسپ تعارف ان للمنافقين علامات يعرفون بھا تحيتھم لعنة وطعامھم نھبة وغنيمتھم غلول ولا يقربون المساجد الاھوا ولا ياتون الصلوٰة الادبراً مستكبرين لا يألفون ولا يُؤمنون خُشُب بالليل ضحب بالنھار (ابن كثير بحواله احمد عن ابي ھريرة) منافقوں کی چند نشانیاں ہیں جن کے ذریعے ان کی شناخت کی جاتی ہے۔ سلام کی بجائے ان کی زبان پر لعنت رہتی ہے، لوٹ مار کا مال ان کی غذا، مال خیانت ان کے لئے مالِ غنیمت، مسجد میں آتے ہیں تو بک بک کرتے ہوئے، نماز میں آتے ہیں تو سب سے آخر میں اور اتراتے ہوئے، نہ کسی سے محبت کرتے ہیں، نہ اس سے کوئی محبت کرتا ہے۔ رات کو شہتیر کی مانند بستروں پر پڑے رہتے ہیں اور دن کو شور مچاتے پھرتے ہیں۔ عملی نفاق چرچا ہے کہ ایمان کے ہوتے ہوئے کچھ عملی کوتاہیاں بھی انسان سے سرزد ہو جاتی ہیں لیکن وہ اصطلاحی نفاق