محدث شمارہ 347

ابوبکر باقلانی رحمہ اللہ اور ابن بطال رحمہ اللہ کا مؤقف:ابوبکر باقلانی رحمہ اللہ نے تطبیق میں استثنائی صورت اختیار کرتے ہوئے جذام اور اس جیسے دیگر امراض کو آپ صلی اللہ علیہ وسلم کے ارشاد((لا عدوٰی))کے تحت شمار نہیں کیا بلکہ اس کو آپ صلی اللہ علیہ وسلم کی طرف سے نفی کی ایک عام صورت قرار دیا ہے۔ ابوبکر باقلانی رحمہ اللہ رقمطراز ہیں : ’’إن إثبات العدوٰی في الجذام ونحوہ مخصوص من عموم نفي العدوی فیکون معنی قولہ (لا عدوٰی) أی إلا من الجذام ونحوہ،فکأنہ قال لا یعدي شيئٌ إلا فیما تقدم تبنی لہ أنہ یعدي‘‘[1] ابن بطال رحمہ اللہ کا بھی یہی مؤقف ہے۔[2] ضعیف موقف تطبیق کے حوالے سے ایک مؤقف یہ بھی ہے کہ آپ صلی اللہ علیہ وسلم کا مجذوم سے فاصلہ پر رہنے کا ارشاد دراصل اسے احساسِ مرض اور احساسِ کمتری میں مبتلا ہونے سے بچانے کے لیے ہے۔اس ضمن میں آپ صلی اللہ علیہ وسلم کے ایک دوسرے ارشاد: ((لا تدیموا النظر المجذومین)) [3] کا حوالہ بھی دیا جاتا ہے: ’’أن الامر بالفرار رعایۃ لخاطر المجذوم لأنہ إذا رأی الصحیح تعظم مصیبتہ وتزداد حسرتہ،ویؤیدہ حدیث((لا تدیموا النظر إلی المجذومین)) فإنہ محمول علی ھذا المعنیٰ‘‘[4] لیکن یہ موقف ضعیف ہے، کیونکہ ہمیشہ تندرست انسان کی مصلحت کو پیش نظر رکھا جاتاہے جیسا کہ احمد محمد شاکر اس موقف کے بارے میں لکھتے ہیں : ’’وأضعفھا المسلک الرابع کما ھو ظاہر، لأن الأمر بالفرار ظاہر في تنفیر الصحیح من القرب من المجذوم۔ فھو ینظر بمصلحۃ الصحیح أولاً،مع قوۃ التشبیہ بالفرار من الأسد؛ لأنہ لا یفر الانسان من الأسد

[1] الباعث الحثیث، ص:۱۶۷، ألفیۃ السیوطی في علم الحدیث،ص:۱۸۰ [2] فتح الباری: ۱۱/۳۰۹ [3] سنن ابن ماجہ:۳۵۴۳ [4] الفیۃ السیوطی، ص:۱۸۰،الباعث الحثیث، ص:۱۶۷، فتح الباری: ۱۱/۳۰۹