کتاب: محدث شمارہ 346 - صفحہ 50
کتاب ہذا کی احادیث کی تعداد
اس کتاب میں شامل کل احادیث کی تعداد 14662 ہے، جن میں سے صحیح و حسن روایات 8193 اور ضعیف و موضوع روایات 6429 ہیں ۔
5.جمع الجوامع یا الجامع الكبير
مصنف:حافظ جلال الدین ابوالفضل بن ابی بکر بن محمد بن سابق سیوطی (م911ھ)
تعدادِ احادیث: 46624
جمع الجوامع یا الجامع الکبیربھی امام جلال الدین عبدالرحمٰن بن ابی بکر سیوطی رحمہ اللہ کی مایہ ناز تالیف ہےجس میں انہوں نے نبی صلی اللہ علیہ وسلم کی قولی وفعلی اَحادیث کو بالاستیعاب جمع کرنےکی انتھک کوشش کی ہے۔ان کی یہ کتاب تجمیع احادیث کا ایک عظیم شاہکار ہے جس میں تشنگانِ علم کی سرابی کا کافی سامان ہے اور ذخیرہ احادیث کا ایک بہت بڑا مجموعہ ہے۔ اس کتاب کی تصنیف علامہ سیوطی رحمہ اللہ کی احادیث ِنبویہ سے قلبی لگاؤ اور خدمت حدیث کے بے پناہ جذبہ کی واضح دلیل ہے۔
اَحادیث کا طریقۂ انتخاب
مؤلف کتاب نے احادیث نبویہ کو دو حصوں میں تقسیم کیا ہے:
حصہ اوّل: قولی احادیث حصہ دوم: فعلی احادیث
(1) قولی احادیث: یہ حصہ فقط قولی احادیث پرمشتمل ہے۔
(2) فعلی احادیث : یہ حصہ محض فعلی احادیث پر مشتمل ہے اور فعلی احادیث کی تقسیم کی چار صورتیں بنتی ہیں :
1. محض فعلی احادیث مثلاً صحابی نبی کریم صلی اللہ علیہ وسلم کا یا راوی کسی صحابی کا فعل نقل کرے۔ جیسے صفوان نےعمر رحمہ اللہ سے پوچھا :کیف صنع رسول الله صلی اللہ علیہ وسلم حین دخل الکعبة فقال: صلی رکعتین۔
’’رسول اللہ صلی اللہ علیہ وسلم جب کعبہ میں داخل ہوئے تو آپ صلی اللہ علیہ وسلم نےکیا عمل کیا۔ عمر رضی اللہ عنہ نے کہا : آپ صلی اللہ علیہ وسلم نےکعبہ میں داخل ہوکر دو رکعت نماز ادا کی۔‘‘
2. احادیث جو آپ صلی اللہ علیہ وسلم کے قول وفعل پر مشتمل ہیں ۔
3. فعلی احادیث کی تیسری قسم ان احادیث کو شامل ہے۔ جس کے پس منظر میں کوئی سبب یا علت پنہاں ہے۔ اس کی مثال یہ حدیث ہے: