محدث شمارہ 338

محروم رکھا ہو۔ فوزیہ وہاب کو قائداعظم کے مندرجہ بالا بیانات کو غور سے پڑھنا چاہیے اور پھر فیصلہ کرنا چاہیے کہ اس کا بیان کس حد تک نامعقول ہے!! ٭ علامہ اقبال نے ۱۹۳۰ء میں خطبۂ الٰہ آباد میں مسلمانوں کے لیے الگ ملک کا تصور پیش کیا مگر یہ خیال کہ قرآن ملتِ اسلامیہ کا آئین ہے، آپ بہت پہلے پیش کرچکے تھے۔ فوزیہ وہاب جیسی سوچ کے حامل افراد کو اگر زبانی بتایا جائے تو شاید وہ یقین نہ کریں مگر یہ ایک ناقابلِ تردید حقیقت ہے کہ علامہ اقبال کی شہرۂ آفاق فارسی شاعری کی کتاب ’رموزِ بے خودی‘ جب ۱۹۱۸ء میں شائع ہوئی تو اقبال نے اپنی اس طویل نظم کے ایک حصہ کا عنوان ’آئینِ محمدیہ قرآن است‘رکھا۔اس عنوان کے تحت ۳۵/اشعار درج ہیں ۔ علامہ اقبال رحمہ اللہ کے درج ذیل معروف اشعار بھی ان میں شامل ہیں ۔ ملاحظہ فرمائیے : ملّتی را رفت چوں آئین ز دست مثل خاک اجزای اُو از ہم شکست ہستیِ مسلم ز آئین است و بس باطن دینِ نبیؐ این است و بس آن کتاب زندہ قرآنِ حکیم حکمت اُو لا یزال است و قدیم نوعِ انسان را پیام آخرین حامل او رحمتہ للعالمین نسخۂ ی اسرارِ تکوینِ حیات بی ثبات از قوتش گیرد ثبات گر تو می خواہی مسلمان زیستن نیست ممکن جز بہ قرآن زیستن ان اشعار کا آسان ترجمہ و مفہوم کچھ یوں ہے۔ اقبال فرماتے ہیں کہ ’’ جس قوم نے آئین ہاتھ سے جانے دیا، اس کے اَجزا خاک کی صورت پریشان ہوگئے۔ مسلمانوں کی قوت کا دارومدار آئین پر ہے (جو قرآن کریم کی صورت ہمارے پاس ہے)۔ ہمارے نبی صلی اللہ علیہ وسلم کے دین کا باطن بھی آئین میں ہے۔ قرآن ایک زندہ و تابندہ کتاب ہے، اس کی حکمت لازوال اور اس کی دانش قدیم ہے۔ یہ نوعِ انسانی کے لیے آخری پیغام ہے۔ حضرت محمد صلی اللہ علیہ وسلم جو رحمتہ للعالمین ہیں ، اس کے حامل ہیں ۔اگر مسلمانوں کی طرح جینے کا ارماں رکھتے ہو تو جان لو کہ قرآن کے علاوہ کوئی ہادی نہیں مل سکتا۔‘‘ علامہ محمد اقبال نے ملتِ اسلامیہ کے لیے قرآنِ مجید کو آئین قرار دیا ہے۔ درحقیقت پوری