محدث شمارہ 336

تھی تو اللہ نے وحی نازل فرمائی: ﴿وَالضُّحٰی٭ وَالَّیْلِ إِذَا سَجٰی٭ مَاوَدَّعَکَ رَبُّکَ وَمَا قَلٰی٭ وَلَلْآخِرَۃُ خَیْرٌ لَّکَ مِنَ الْأوْلٰی٭ وَلَسَوْفَ یُعْطِیْکَ رَبُّکَ فَتَرْضٰی٭ اَلَمْ یَجِدْکَ یَتِیْمًا فَآوٰی٭ وَوَجَدَکَ ضَآلًّا فَہَدٰی٭ وَوَجَدَکَ عَائِلًا فَاَغْنٰی٭ فَاَمَّا الْیَتِیْمَ فَلَا تَقْہَرْ٭ وَاَمَّا السَّائِلَ فَلاَ تَنْہَرْ٭ وَاَمَّا بِنِعْمَۃِ رَبِّکَ فَحَدِّثْ﴾ ’’دن کی روشنی شاہد ہے اور رات جب کہ تاریک ہو جاتی ہے۔ تیرے ربّ نے نہ تو تجھے چھوڑ دیا ہے اور نہ وہ ناراض ہے اور تیرا مستقبل تیرے ماضی سے بہتر ہو گا اور تجھے تیرا ربّ دے گا تو خوش ہو جائے گا۔ کیا اس نے تجھے یتیم نہ پایا پھر پناہ دی اور تجھے ناکام پایا پھر راہ کامیابی دکھائی اور تجھے تنگ دست پایا اور غنی بنا دیا؟ اس لیے یتیم پر سختی نہ کرنا اورمانگنے والے کو نہ جھڑکنا اور اپنے ربّ کی نعمت کا تذکرہ کر۔‘‘ ( سورۃ الضحیٰ) ہر زبان میں بعض الفاظ متعدد معانی پر دلالت کرتے ہیں ۔ جملے کے دیگر الفاظ کی مدد سے کثیر المعانی لفظ کے معنی میں سے ایک کی ترجیح ہوتی ہے۔ ضلال کے متعدد معانی ہیں : أبرہۃ الأشرم کے کتبے میں …ضللن (ضلالنا)ہماری دوستی کے معنی میں آیا۔ ضلال عربی میں ’عشق ناکام‘ کو بھی کہتے ہیں ۔ ﴿تَاﷲِ إنَّکَ لَفِیْ ضَلٰـلِکَ الْقَدِیْمِ﴾میں ضلال بے جا محبت کے معنی میں آیا۔ ضلّ سعیہم کے معنی ہیں : ان کی کوشش ناکام رہی۔ سورۃ القلم میں ہے کہ أصحاب الجنۃ نے اپنے باغ کی تباہی دیکھ کر کہا:﴿ إنَّا لَضَآلُّوْنَ بَلْ نَحْنُ مَحْرُوْمُوْنَ﴾ یعنی ہم نامراد بلکہ محروم ہو گئے۔ ضلال گمراہی کو کہتے ہیں ۔ اس معنی میں بکثرت قرآن میں یہ لفظ آیا ہے ۔ راستے کی تلاش کو بھی کہتے ہیں مگر قرآن میں اس معنی میں یہ لفظ نہیں آیا ہے۔ ضلال کی ضد ’ابتدا‘ اور اضلال کی ضد ’ہدایت‘ ہے۔ اب سورہ پر غور کرو۔تین دعووں کی ترتیب سے تین دلیلیں اور دلیلوں کی ترتیب سے تین نصیحتیں ہیں :آیت نمبر۳، نمبر۶ اورنمبر۹ بالترتیب دعویٰ، دلیل اور حکم ہیں ، دعویٰ یہ ہے کہ تیرے ربّ نے تجھے چھوڑ نہیں دیا ہے ، دلیل یہ ہے کہ تو یتیم تھا، اس نے تجھے پالا پوسا، حکم یہ ہے کہ