کتاب: محدث شمارہ 320 - صفحہ 32
((لعن رسول ﷲ المُخنثین من الرجال والمُتَرَجِّلات من النساء))
’’رسول صلی اللہ علیہ وسلم نے (عورتوں کی مشابہت اختیارکرکے) عورت بننے والے مردوں پر اور (مردوں کی مشابہت اختیار کرکے) مرد بننے والی عورتوں پر لعنت فرمائی ہے۔‘‘ (صحیح بخاری:۵۴۳۶)
اس چیز میں کوئی شک نہیں کہ کوئی عورت مرد بننے کی کوشش کرے یا مردوں کی مشابہت اختیار کرے تو وہ اصل میں فطرتِ الٰہیہ کو توڑنا چاہتی ہے اور اللہ نے اس کے لیے جو مقدر کردیا، وہ گویا اس پر اعتراض کرتی ہے۔اپنے دین کی مخالفت کرتی ہے اور معاشرتی معاملات میں خلل ڈالتی ہے ، اختلاط کا سبب بنتی ہے اور جرائم پھیلاتی ہے۔
٭ دَیوث(بے غیرت):اس شخص کو کہتے ہیں جو اپنے اہل و عیال میں بے حیائی کو برداشت کرے اور عزت کے معاملے میں اس کو کوئی غیرت نہ آتی ہو۔ایسا شخص اخلاقیات سے عاری، ناقص العقل اور بے دین ہے۔اور وہ اس چیز پر رضامند ہوچکا ہے کہ اس کو خنزیر سے مشابہت دے دی جائے کہ جس کو اپنی عزت کی کوئی پرواہ نہیں ۔ایسے بندے کی گواہی ناقابل قبول ہے اور وہ تعزیر کامستحق ہے تاکہ سزا کے ساتھ اس شخص کو اس قبیح فعل سے روکا جا سکے۔
لوگوں کو اپنے اہل وعیال کو ایسی چیزوں سے بچانا چاہیے جو بے حیائی اور بے غیرتی کا سبب بنتی ہیں تاکہ وہ مذکورہ وعیدوں سے محفوظ رہ سکیں ۔ جیساکہ کافر ممالک کی طرف سفر کرنا اور وہاں جا کر رہنا، ڈش اور کیبل کے ذریعے دکھائے جانے والے وہ مناظرجو غلط جذبات کو اُبھارتے اور نفسانی خواہشات کو برانگیختہ کرتے ہیں ۔ رسول اللہ صلی اللہ علیہ وسلم نے فرمایا:
((ثلاثۃ لایدخلون الجنۃ وثلاثۃ لا ینظر ﷲ إلیہم یوم القیامۃ: فأما الثلاثۃ الذین لا یدخلون الجنۃ: فالعاق لوالدیہ والدیوث والمرأۃ المترجلۃ من النساء تشبہ بالرجال وأما الثلاثۃ الذین لا ینظر ﷲ إلیہم: فالعاق لوالدیہ والمدمن الخمر والمنان بما أعطی (معجم کبیر از طبرانی :۵/۴۹۴’ صحیح‘)
قالوا یارسول ﷲ صلی اللہ علیہ وسلم ! أما مدمن الخمر فقد عرفناہ فما الدیوث؟ قال: الذي لا یبالي من دخل علی أھلہ۔ قیل فما الرجلۃ من النساء؟ قال التي تشبہ بالرجال)) ( شعب الایمان :۱۰۸۰۱)
’’تین آدمی جنت میں کبھی بھی داخل نہیں ہوں گے اور تین آدمیوں کی طرف اللہ نظر رحمت سے نہیں دیکھیں گے۔جو تین لوگ جنت میں داخل نہیں ہوں گے، وہ یہ ہیں : 1. والدین کا