محدث شمارہ 310

میں اقتدار بخشیں تو نماز کا اہتمام کریں گے،زکوٰۃ ادا کریں گے،بھلائی کی تلقین کریں گے اور برائی سے روکیں گے۔‘‘ (میزان:ص۲۱۲) ہم نے اس آیت کا ترجمہ وہی بیان ہے جو کہ غامدی صاحب نے اپنی کتاب ’میزان‘ میں لکھا ہے۔ غامدی صاحب نے اپنے اس ترجمے میں اس آیت کو اصحاب اقتدار کے ساتھ خاص کیا ہے جو صحیح نہیں ہے۔ حضرت عمر بن عبد العزیز رحمۃ اللہ علیہ قرآن کی اسی آیت مبارکہ کی تفسیرکرتے ہوئے فرماتے ہیں : ألا إنھا لیست علی الوالي وحدہ ولکنھا علی الوالي والمولي علیہ (تفسیر ابن کثیر:سورۃ الحج:۴۱) ’’خبر دار یہ صرف حکمران کے لیے نہیں ہے بلکہ یہ حکمران اور عوام الناس دونوں پر فرض ہے ۔‘‘ کیونکہ ’تمکین فی الارض‘ صرف حکمران کو حاصل نہیں ہے بلکہ قرآن کی رُو سے ہر انسان کو کسی نہ کسی نوع کا تمکناس زمین میں حاصل ہے، جیسا کہ ارشاد ہے: ﴿وَلَقَدْ مَکَّنّٰکُمْ فِیْ الاَرْضِ وَجَعَلْنَا لَکُمْ فِیْھَا مَعَایِشَ﴾ (الاعراف:۱۰) ’’(اے انسانو!) ہم نے تم سب کو زمین میں جگہ دی ہے اور اسی میں تمہارے وسائل رزق رکھے ہیں ۔‘‘ ظاہر ہے کہ تمام انسان زمین میں خلیفہ ہیں اور ہر انسان کوئی نہ کوئی اختیار رکھتا ہے لہٰذا جزوی اقتدار بھی ہر شخص کو حاصل ہے۔امر بالمعروف و نہی عن المنکر کو اصحابِ اقتدار کے ساتھ خاص کرنا ایک ایسی غیرمنطقی اور خلافِ عقل بات ہے جس کا ردّ قرآن و سنت کی واضح و صریح نصوص کے علا وہ اجماعِ اُمت اورعقل عام سے بھی ہوتاہے۔ امام غزالی رحمۃ اللہ علیہ ،غامدی صاحب جیسا موقف رکھنے والے افراد کا ردّ کرتے ہوئے لکھتے ہیں : ھذا الاشتراط فاسد فإن الآیات والأخبار التي أوردناھا تدل علی أن کل من رأی منکرا فسکت علیہ عصی إذ یجب نھیہ أینما رأہ وکیفما رأہ علی العموم فالتخصیص بشرط التفویض من الإمام تحکم لا أصل لہ…استمرار عادات السلف علی الحسبۃ علی الولاۃ قاطع بإجماعھم علی الاستغناء عن التفویض بل کل من أمر بمعروف فإن کان الوالي