محدث شمارہ 301

امام فلاس رحمۃ اللہ علیہ فرماتے ہیں کہ یحییٰ کذاب تھا، موضوع اور من گھڑت روایات بیان کیا کرتا تھا ۔‘‘ دوسری روایت :(( لولاک،لولاک ماخلقت الأفلاک)) (تذکرۃ الموضوعات۸۶) امام عجلونی رحمۃ اللہ علیہ نے اس حدیث کو ذکر کرنے کے بعد یہ لکھا ہے کہ ’’امام صغانی رحمۃ اللہ علیہ نے اسے موضوع قرار دیا ہے ،لیکن میں کہتا ہوں کہ اگرچہ یہ حدیث نہیں ہے ، لیکن اس کا معنی صحیح ہے۔‘‘ (کشف الخفاء ومُزیل الإلباس۲/۲۱۴) یہ روایت لفظاً تو موضوع ہے ہی مگر کیا فی الواقع امام عجلونی رحمۃ اللہ علیہ کی یہ بات درست ہے کہ ’’اس کا معنی صحیح ہے۔‘‘ اس کی وضاحت آگے روایت نمبر ۵ کے تحت آرہی ہے۔ تیسری روایت: (( لولاک ماخلقت الأفلاک)) ’’اگر آپ نہ ہوتے تو میں آسمانوں کو پیدا نہ کرتا۔ ‘‘ امام صغانی رحمۃ اللہ علیہ نے اپنی کتاب الأحادیث الموضوعۃ (ص۵۲، رقم ۷۸) میں اس حدیث کو موضوع قرار دیا ہے۔اسی طرح امام شوکانی رحمۃ اللہ علیہ نے الفوائد المجموعۃ في الأحادیث الموضوعۃ میں اور ملا علی القاری رحمۃ اللہ علیہ نے المصنوع في معرفۃ الحدیث الموضوع (۱/۱۱۶) میں اس حدیث کو امام صغانی رحمۃ اللہ علیہ کے حوالے سے موضوع قرار دیا ہے۔ لیکن ملا علی القاری رحمۃ اللہ علیہ نے بھی اس حدیث کو اپنی کتاب الأسرار المرفوعۃ في الأخبار الموضوعۃ میں نقل کرنے کے بعد امام عجلونی رحمۃ اللہ علیہ کی طرح یہی کہا ہے کہ ’’ اگرچہ یہ حدیث موضوع ہے ، لیکن اس کا مفہوم صحیح ہے۔ ‘‘ اور تائید کیلئے ابن عباس رضی اللہ عنہ سے مروی دیلمی رحمۃ اللہ علیہ کی یہ حدیث ذکر کی ہے کہ رسول صلی اللہ علیہ وسلم نے فرمایا : چوتھی روایت:(( أتاني جبرائیل فقال یامحمد لولاک ما خلقت الجنۃ، لولاک ماخلقت النار)) ’’جبرائیل میرے پاس تشریف لائے اور کہا : اے محمد صلی اللہ علیہ وسلم ! اگر آپ صلی اللہ علیہ وسلم نہ ہوتے تو جنت پیدا کی جاتی، نہ جہنم ۔۔۔‘‘ پانچویں روایت: اسی طرح تائیداً ابن عساکر رحمۃ اللہ علیہ کی یہ روایت بھی پیش کی ہے : (( لولاک ماخلقت الدنیا)) (الأسرارالمرفوعۃ في الأخبار الموضوعۃ، المعروف بالموضوعات الکبرٰی،ص۲۸۸ )