محدث شمارہ 297

’’اس کردار کو مغاربہ کے بعض کذاب لوگوں نے گھڑا ہے۔‘‘ ٭ مزید معمر بن بُریک کے ترجمہ میں اس کا ذکر یوں کرتے ہیں : ’’وقد وقع نحو ھذا في المغرب محدث شیخ یقال لہ أبوعبد اللہ محمد الصقلي قال: صافحني شیخی أبو عبد ﷲ معمر وذکر أنہ صافح النبي صلی اللہ علیہ وسلم وأنہ دعا لہ فقال لہ: عَمَّرک اللہ یا معمر فعاش أربع مائۃ سنۃ وأجاز لي محمد بن عبد الرحمن المکناسي من المغرب بضع عشرۃ وثمان مائۃ أنہ صافح أباہ صافح شیخا یقال لہ: الشیخ علي بن الخطاب بتونس وذکر لہ أنہ لہ مائۃ وثلاثۃ وثلاثین عامًا وأن الخطاب صافح الصقلي وذکر أنہ عاش مائۃ وستین سنۃ قال الصقلي: صافحني شیخي أبو عبد اللہ معمر وذکر أنہ صافح النبي صلی اللہ علیہ وسلم وأنہ دعا لہ فقال: عمّرک اللہ یا معمر فعاش أربع مائۃ سنۃ۔ فھذا کلہ لا یفرح بہ من لہ عقل۔(لسان المیزان :۶/۶۹) ’’مغرب میں ایک محدث شیخ جنہیں ابوعبداللہ محمد صقلی کہا جاتا ہے، نے کہا کہ مجھ سے میرے شیخ ابوعبداللہ معمر نے مصافحہ کیا اور ذکر کیا کہ میں نے نبی صلی اللہ علیہ وسلم سے مصافحہ کیا اور آپ صلی اللہ علیہ وسلم نے میرے لئے دعا کی کہ اے معمر! اللہ تجھے لمبی عمر دے۔ پس وہ ۴۰۰ سو سال تک زندہ رہے اور مجھے اجاز ت دی محمد بن عبدالرحمن مکناسی مغربی نے تقریباً ۸۱۰ھ میں کہ اس نے اپنے باپ سے مصافحہ کیا جنہوں نے اپنے شیخ علی بن خطاب تیونسی سے مصافحہ کیا اور ا س کی عمر ۱۳۳ سال تھی اور خطاب نے صقلی سے مصافحہ کیا اور اس کی عمر ۱۶۰ سال تھی اور صقلی نے کہا کہ مجھ سے مصافحہ کیا میرے شیخ ابوعبداللہ معمر نے اور اُنہوں نے ذکر کیا کہ اس نے نبی صلی اللہ علیہ وسلم سے مصافحہ کیا اور نبی صلی اللہ علیہ وسلم نے اسے دعا دی، فرمایا: اے معمر! اللہ تیری عمر دراز کرے۔ پس وہ ۴۰۰ سال تک زندہ رہے۔ (میں ابن حجر کہتا ہوں ) کوئی عقل مند آدمی ان باتوں سے کبھی مطمئن نہیں ہوسکتا۔‘‘ ٭ اور اسی طرح ابن حجر الملثم کے طریق سے اسناد بیان کرکے لکھتے ہیں : ذلک مما لا أَعتَمِد علیہ ولا أَفرح بعلوہ ولا أذکرہ إلا استطرادًا (ایضاً:۱/۷۱) ’’یہ سلسلۂ اسناد ایسا ہے کہ میں اس پراعتماد نہیں کرتا اور نہ ہی اس کے عالي سند ہونے پر