محدث شمارہ 294

کیف یُخسف بأولھم وآخرھم وفيھم أسواقھم ومن ليس منھم قال: ((ٰخسف بأولھم وآخرھم ثم يُبعثون علي نياتھم)) (صحیح بخاری: ۲۱۱۸) ’’اس لشكر كے پہلے اور آخری لوگوں كو كيونكر دھنسايا جائے گا، حالانكہ ان (اس سرزمین) میں بازار والے بھی ہوں گے اور ایسے لوگ بھی ہوں گے جو ان (کے برے ارادے) میں شامل نہیں۔ تو نبی کریم نے جواب دیا کہ اس لشکر کو شروع سے آخر تک دھنسا دیا جائے گا، پھر روزِ قیامت انہیں اُن کی نیتوں پر اُٹھایا جائے گا (اور ویسا ہی بدلہ دیا جائے گا)۔‘‘ ٭ حضرت عبد اللہ بن عمر رضی اللہ عنہ سے مروی ہے کہ نبی کریم صلی اللہ علیہ وسلم نے فرمایا: ((إذا أنزل اللّٰه بقوم عذابا أصاب العذاب من كان فيھم ثم بعثوا علي أعمالھم)) (صحیح بخاری: ۷۱۰۸، صحیح مسلم: ۲۸۷۹) ’’جب الله تعالیٰ كسی قوم پر عذاب نازل کرتے ہیں تو یہ عذاب قوم کے تمام افراد کو گھیر لیتا ہے، پھر (روزِ قیامت) اپنے اعمال کے مطابق انہیں اُٹھایا جائے گا۔‘‘ اس حدیث کی شرح میں حافظ ابن حجر رحمۃ اللہ علیہ فرماتے ہیں: ’’ایک مقام پر سب کے اکٹھا موت پا جانے سے یہ لازمی نہیں آتا کہ سب موت پانے والوں کا انجام بھی اکٹھا ہو گا۔ بلکہ ہر ایک کو قیامت کے روز اس کے عمل اور نیت کے مطابق ثواب ملے گا۔‘‘ اسی معنی کی دیگر احادیث کے لئے دیکھئے: سنن ابو داؤد: ۴۲۸۹، صحیح بخاری: ۳۳۴۶ وغیرہ ان احادیث سے پتہ چلتا ہے کہ اللہ تعالیٰ اجتماعی ہلاکت سے دوچار ہونے والوں میں نیک لوگوں کو آخرت میں ان کی نیکی کا بدلہ عطا فرمائے گا اور بالفرض اس آزمائش میں انہیں غیر معمولی اذیت کا سامنا کرنا پڑا ہو تو اللہ تعالیٰ ان کے اجر کو بڑھانے پر بھی قادر ہے۔ ٭ بعض لوگ یہ بات کہتے ہیں کہ اگر گناہوں کو دیکھا جائے تو گناہوں میں ان سے زیادہ معصیت کار لوگ بھی موجود ہیں، اللہ تعالیٰ نے صرف انہی کو کیوں اپنی پکڑ میں لیا ہے تو اس کی توجیہ اللہ کی حکمتِ بالغہ اور اس کی تقدیر و مشیت کے سوا ممکن نہیں۔ اللہ تعالیٰ کا فرمان ہے: ﴿ وَلَوْ يُؤَاخِذُ اللّٰهُ النَّاسَ بِمَا كَسَبُوْا مَا تَرَكَ عَلَي ظَھْرِھَا مِنْ دَابَّةٍ وَّلٰكِنْ يُّؤَخِّرُھُمْ إلَي أَجَلٍ مُّسَمًّي﴾(النحل: ۶۱)