کتاب: محدث شمارہ 291 - صفحہ 139
وأحسن منك لم تر قط عين وأجمل منك لم تلد النساء
خلقت مبرأ من كل عيب كأنك قد خلقت كما تشاء
اور شانِ اولیا رحمۃ اللہ علیہ کا نقشہ ان اشعار میں بیان کرتے:
تجلی چھریاں تے فاغسلوا دا تے جلوہ نور سيماهم وجوه دا
اُجالا لا إله إلا هو دا تے شعلہ واركعوا تے واسجدوا دا
زبان وچ ذوق شیریں فاقرء وا دا تے وظیفہ فاذكروا تے واشكرو دا
ہتھاں وچ فیض حتى تُنفقوا دا جسم وچ زور بھریا وجاهدوا دا
اکھاں وچ نیر فليبلوا دى جو دا بھروسہ صرف حرف اک لاتقنطوا دا
اوہ عامل ما أتىٰ تے فانتهوا دے
فلا تدعوا مع اللّٰه،لا تعبدوا دے
اس دو ر میں واعظ تو بے شمار ہیں، جن میں شیریں بیانی اور اثر آفرینی بھی اپنی اپنی جگہ بہت ہے، لیکن مولانا شیخوپوری جیسا خلوص رکھنے والے اور شب ِزندہ دار مبلغ خال خال ہیں۔ مولانا کے ساتھ سفر وحضر کے ساتھی بیان کرتے ہیں کہ رات 2 بجے بھی طویل خطاب سے فارغ ہونے کے بعد آپ چند لمحے آرام کے بعد دوبارہ تین بجے نمازِ تہجد کے لئے جائے نماز پر آکھڑے ہوتے۔آپ نے ساری زندگی توحید وسنت کی دعوت وتبلیغ میں صرف کردی اور اس کے لئے پاکستان کا قریہ قریہ چھان مارا۔
آپ نے اپنی تعلیم کا آغاز حافظ عبد اللہ محدث روپڑی کی زیر نگرانی کمیرپور میں قائم درسگاہ سے کیا، جہاں ان کے برادرِ خورد حافظ عبدالرحمن روپڑی سے آپ نے پہلا سبق لیا اور صرف ونحو کی کتب بھی اُنہیں سے پڑھیں۔ اس دور کے عظیم خطیب مولانا حافظ محمداسمٰعیل روپڑی نے آپ کو خطابت کے رموز واسرار سکھائے اور اس فن میں طاق کیا۔ مولانا شیخوپوری رحمۃ اللہ علیہ لکھتے ہیں:
”دعوتی میدان میں اللہ تعالیٰ نے مجھے د و بہترین ساتھی عطا کردیے تھے: حافظ عبد القادر روپڑی اور حافظ محمد اسمٰعیل روپڑی۔ دونوں بھائی مجھے اپنا تیسرا بھائی قرار دے کر اکثر جلسوں میں ساتھ رکھتے، پہلے میری تقریرکراتے۔ میں اکثر سنتا کہ میں تقریر کررہا ہوتا اور حافظ محمد