کتاب: محدث شماره 282 - صفحہ 145
٭ دينى مدارس كى لائبريرياں دينى لٹريچر كى فراہمى اور فروغ ميں نماياں كردار اداكرتى ہيں ۔ ايسى غير معمولى لائبريريوں ميں جامعہ سلفيہ فيصل آباد، جامعہ اثريہ جہلم، دارالعلوم كراچى، جامعہ فاروقيہ كراچى، جامعہ ابى ہريرہ (نوشہرہ)، جامعہ خير المدارس ملتان، دار العلوم حقانيہ اكوڑہ خٹك، جامعہ منظورالاسلاميہ كينٹ لاہور، جامعہ اشرفيہ لاہور، جامعہ نعيميہ لاہور اورجامعہ لاہور الاسلاميہ كى لائبريرياں خصوصيت سے قابل ذكر ہيں ۔
٭ دينى مدارس كے دارالافتاء ہميشہ سے شرعى مسائل ميں عوام الناس كى رہنمائى كا فريضہ انجام ديتے آئے ہيں ۔ عوام الناس آج تك اپنے فتاوىٰ كے سلسلے ميں كسى بڑے سے بڑے اسلامى دانشور يا كسى يونيورسٹى كے اسلاميات كے پروفيسر كى بجائے مدارسِ دينيہ كے دارالافتاء اور ان كے فضلا بلكہ ائمہ مساجد سے ہى رجوع كرتے ہيں ۔ دارالافتاء نے اپنے فتاوىٰ جات شائع كرنے كابهى ايك وسيع سلسلہ شروع كرركهاہے۔ گذشتہ چند برسوں ميں فتاوىٰ لٹريچر ميں غير معمولى اضافہ ہوا ہے۔ دينى مدارس كے فتاوىٰ جات ميں سے ممتاز فتاوىٰ جات كے مجموعے بطورِ مثال حسب ِذيل ہيں : دار العلوم حقانيہ كا فتاوىٰ حقانيہ، جامعہ اہلحديث لاہور كافتاوىٰ اہلحديث، جامعہ تفہيم القرآن مردان كا تفہيم المسائل، جامعہ محمديہ اہلحديث گوجرانوالہ كا ’احكام و مسائل‘ از مولانا شيخ الحديث عبدالمنان نورپورى، درس گاہ حضرت مياں صاحب كا ’فتاوىٰ نذيريہ‘ ازمياں سيدنذير حسين دہلوى، جامعہ بنوريہ كراچى كا ’احكام ومسائل‘ از مولانا يوسف لدھیانوى، فتاوىٰ سلفيہ از مولانا محمداسماعيل سلفى، فتاوىٰ ثنائيہ از مولانا ثناء اللہ امرتسرى، اور فتاوىٰ عزيزى از شاہ عبد العزيز محدث دہلوى وغيرہ
٭ تمام بڑے دينى مدارس ميں شعبہ ہائے تصنيف و تاليف بهى سالہا سال سے سرگرمِ عمل ہيں ۔ دينى مدارس كے معروف شعبہ ہائے تصنيف و تاليف ميں دارالعلوم كراچى كا شعبہٴ تصنيف و تاليف، دار العلوم حقانيہ اكوڑہ خٹك كا موٴتمر المصنّفين، جامعہ لاہور الاسلاميہ كا مجلس ال تحقیق الاسلامى، جامعہ اثريہ جہلم كامجلس ال تحقیق الاثرى، جامعہ ابى ہريرہ نوشہرہ كاشعبہٴ تصنيف و تاليف، جامعہ سلفيہ فيصل آباد كاادارة البحوث العلميہ اور جامعہ سلفيہ بنارس كا ادارة البحوث العلميہ، جامعہ فاروقيہ كراچى اور جامعہ بنوريہ كراچى كے شعبہ ہائے تحقیق وغيرہ شامل ہيں ۔