محدث شمارہ 270

مولانا جامی کے علاوہ فارسی لغت میں شہرآشوب کا بیان کم ہی دیکھنے میں آیا ہے۔ البتہ آشوبِ ذات اکثر نعتوں میں ملتا ہے اور اکثر شعراء حضور صلی اللہ علیہ وسلم سے اس طرح التماس کرتے نظر آتے ہیں کہ ہمیں روضۂ مبارک کی زیارت کا شرف عطا فرمائیے اور ہمیں اپنے شہر جاں افروز کی خاک آنکھوں سے چومنے کا مو قع مرحمت فرمائیے۔ ہم آپ سے دور فراق کی آگ میں جل رہے ہیں ۔غم ہجراں سے زندگی دو بھر ہوگئی ہے، اس سے نجات دلائیے۔ اس قسم کے آشوبِ ذات میں قصائد اور نعتیں اکثر لکھی گئی ہیں جن میں حضور صلی اللہ علیہ وسلم سے براہِ راست استمداد کیا گیا ہے۔ اور یہ روش آگے چل کر نعت و منقبت میں عام ہوتی گئی۔ (جاری ہے)