محدث شمارہ 268

بھی زیر بحث حدیث کو نقل نہیں کیا جس سے یہ ثابت ہوتا ہے کہ انہیں مصنف ابن ابی شیبہ کا جو نسخہ میسر تھا، اس میں بھی مرفوع حدیث میں ’تحت السرۃ‘ کے الفاظ نہ تھے۔ دلیل نمبر۴ حدثنا أبومعاوية عن عبد الرحمن بن إسحاق عن زياد بن زيد السوالیٰ عن أبی جحيفة عن علی رضی الله عنه قال: من السنة وضع الأيدي علی الأيدي تحت السرر (مصنف ابن ابی شیبہ) ’’ابو جحیفہ حضرت علی رضی اللہ عنہ سے روایت کرتے ہیں کہ ہاتھوں کوناف کے نیچے باندھنا سنت ہے۔‘‘ یہ روایت اسی سند سے دارقطنی، مسنداحمد اور بیہقی میں درج ذیل الفاظ سے مروی ہے: من السنة وضع الکف علی الکف تحت السرةاور اسی سے ملتے جلتے الفاظ سے ابوداود میں بھی ہے۔ جواب:محترم علی رضی اللہ عنہ سے مروی اس حدیث کا مرکزی راوی عبدالرحمن بن اسحق ہے، اس کی کنیت ابوشیبہ الواسطی ہے، یہ نعمان بن سعد کا شاگرد خاص ہے، وہ یہ روایت زیاد بن زید اور نعمان بن سعد سے نقل کرتا ہے۔ عبدالرحمن بن اسحق، امام احمد بن حنبل کی نظر میں : قال عبد الله: سألت أبی عن عبد الرحمن بن إسحاق الکوفی فقال ھذا يقال له أبوشيبة وھو الواسطي کان يروی عنه ابن إدريس وأبومعاوية وابن فضيل وھو الذی يحدث عن النعمان بن سعد ليس ھو بذاک فی الحديث (العلل:۲۵۶۰) ’’امام احمد رحمۃ اللہ علیہ کے فرزند ِارجمند کہتے ہیں کہ میں نے اپنے والد ماجد سے عبدالرحمن کے بارے میں دریافت کیا، انہوں نے فرمایا: یہ وہی ہے جسے ابوشیبہ واسطی کہا جاتا ہے، اس سے ابن ادریس، ابومعاویہ اور ابن فضیل روایت کرتے ہیں جبکہ یہ نعمان بن سعد سے روایت کرتا ہے… یہ حدیث میں قابل اعتبار نہیں ہے۔‘‘ قال أبوطالب سألت أحمد بن حنبل عن أبی شيبة الواسطي عبدالرحمن بن اسحٰق قال ليس بشيئ منکرالحديث (الجرح والتعدیل: ج۵/ص۳۱۳، میزان الاعتدال: ج۴/ص۲۶۰، تہذیب التہذیب:ج۶/ص۱۲۵) ’’ابوطالب کہتے ہیں کہ میں نے احمد بن حنبل رحمۃ اللہ علیہ سے ابوشیبہ الواسطی کے بارے میں دریافت کیا تو انہوں نے فرمایا: یہ ایسا بے قیمت راوی ہے جس کی روایات کو ناپسند کیا گیا ہے۔‘‘