محدث شمارہ 233

خلاف سازش میں لگا رہتا ہے ۔ نبی کریم صلی اللہ علیہ وسلم کی صحیح احادیث سے بھی اس کا ثبوت ملتا ہے کہ مسلمان کی زندگی میں اللہ کے ذریعہ شیطان مردود کے شر سے پناہ مانگنے کی بڑی اہمیت ہے ۔ ابو سعید خدری رضی اللہ عنہ سے روایت ہے کہ رسول اللہ صلی اللہ علیہ وسلم جب رات کو نماز کے لئے کھڑے ہوتے تو تکبیر کہتے، پھر کہتے : ((سبحانك اللّٰهم ربّنا وبحمدك وتبارك اسمك وتعالى جدُّك ولا إله غيرك)) پھر تین بارلاإله غيرك کہتے ، پھرکہتے: (( أعوذ ب اللّٰه السميع العليم من الشيطان الرجيم من همزه ونفخه ونفثه)) (ابوداود ، نسائی ، ترمذی ، ابن ماجہ ) عبد اللہ بن مسعود رضی اللہ عنہ سے روایت ہے کہ نبی کریم صلی اللہ علیہ وسلم کہا کرتے تھے : (( اللّٰهم إنّي أعوذبك من الشيطان الرجيم من نفخه ونفثه)) ( ابن ماجہ ) معاذ بن جبل رضی اللہ عنہ کہتے ہیں کہ ''دو آدمی نے رسول اللہ صلی اللہ علیہ وسلم کے پاس آپس میں گالی گلوچ کیا ۔ اُن میں سے ایک آدمی اتنا زیادہ غصہ ہوا کہ ایسا معلوم ہوتا تھا کہ اس کی ناک غصہ سے پھٹ جائے گی ، آپ نے فرمایا کہ میں ایک ایسا کلمہ جانتا ہوں جسے اگر وہ کہے تو اُس کا غصہ ختم ہوجائے ۔معاذ نے پوچھا کہ اے اللہ کے رسول! وہ کون سا کلمہ ہے ؟ تو آپ ( صلی اللہ علیہ وسلم ) نے فرمایا ،یوں کہے : اللّٰهم إنّي أعوذ بك من الشيطان الرجيم (احمد ، ابوداود ، ترمذی ، نسائی ) اسی حدیث کو حافظ ابو یعلی موصلی نے اُبی بن کعب سے روایت کیا ہے ۔ قرآنِ کریم ک تلاوت سے پہلے شیطان مردود کے شر سے پناہ مانگنے کا حکم عام حالات کے علاوہ اللہ تعالیٰ نے مسلمانوں کو اس بات کا خاص طور پر حکم دیا ہے کہ جب وہ قرآن کریم کی تلاوت کرنا چاہیں تو پہلے اللہ کے ذریعہ شیطان مردود کے شر سے پناہ مانگ لیں ۔ سورۃ النحل میں ہے : ﴿ فَإِذَا قَرَأْتَ الْقُرْآنَ فَاسْتَعِذْ بِاللَّـهِ مِنَ الشَّيْطَانِ الرَّجِيمِ ﴾... سورة النحل کہ '' جب تم قرآن پڑھو تو اللہ کے ذریعہ مردود شیطان سے پناہ مانگ لو '' اسی آیت کے پیش نظر جمہور علماء کا قول ہے کہ نماز کے علاوہ دیگر حالات میں قراء تِ قرآن کی ابتدا سے پہلے اَعوذ باللہ پڑھنا مستحب ہے ۔ حالت ِ نماز کے بارے میں راجح یہی معلوم ہوتا ہے کہ بسم اللہ اور سورۂ فاتحہ سے قبل اَعُوْذُ بِاللّٰہِ سری یا جہری طور پر پڑھ لیا جائے ۔ کیونکہ یہ آیت قرا ء ت ِ قرآن کی تمام حالتوں کو شامل ہے ۔ بِسْـمِ اللَّهِ الرَّحْمـنِ الرَّحِيـمِ کس سورت کی آیت ہے؟ صحابہ کرام نے حضرت عثمان رضی اللہ عنہ کے زمانے میں جو مصحف تیار کیا اور جس کی تمام صحابہ کرام نے تائید وتوثیق کی ، اُس مصحف میں سورۂ برا ء ت کے علاوہ تمام سورتوں کی ابتدا میں بسم اللہ لکھی گئی ۔ اُس